Paranienaha dva tydni tamu premjera Słavakii siońnia vypisali z balnicy
Robierta Ficu pieraviali na chatniaje lačeńnie.
Premjer-ministr Robiert Fica bolš nie znachodzicca ŭ balnicy ŭ Banska-Bistrycy, kudy jon byŭ špitalizavany 15 dzion tamu paśla zamachu na jaho. Pavodle niekalkich krynic, jon byŭ pieraviedzieny na chatniaje lačeńnie, piša dennikn.sk.
U piatnicu ranicaj hetuju infarmacyju paćvierdzili ŭ balnicy ŭ Banska-Bistrycy. U paviedamleńni ŭ fejsbuku havorycca, što premjer-ministr prachodzić lačeńnie doma.
«Ja chacieŭ by skarystacca hetaj mahčymaściu, kab ščyra padziakavać jamu samomu, tamu što jon byŭ dyscyplinavanym pacyjentam, kamandu našych vydatnych miedykaŭ za vydatnuju pracu, usie ŭzbrojenyja siły za ich prafiesijny padychod i ŭsich ludziej za toje, što jany zrabili. Jany pieradali nam mocnuju pazityŭnuju enierhiju», — raspaviała dyrektar balnicy Miryjam Łapunikava.
Razam z tym siońnia ŭzmacniłasia pieramiaščeńnie achoŭnikaŭ i palicejskich vakoł kvatery Robierta Ficy ŭ Bracisłavie.
Zamach na Robierta Fica adbyŭsia 16 maja ŭ horadzie Handłava paśla vyjaznoha pasiadžeńnia ŭrada. Kali premjer padyšoŭ da miascovych žycharoŭ, 71-hadovy mužčyna streliŭ u jaho niekalki razoŭ.
Pieršapačatkova ŭłady nie nazyvali imia padazravanaha, adnak miascovyja ŚMI na praciahu dnia vyśvietlili, što tym, chto stralaŭ, byŭ miascovy 71-hadovy litaratar i palityčny aktyvist Juraj Cintuła, jaki byŭ niezadavoleny palitykaj Ficy.
Zamach na premjera Słavakii — jaho stan vielmi ciažki
Stała viadoma, chto stralaŭ u słavackaha premjera Fica
«CRU ci MI-6. Zamova transnacyjanalnych elit». Prapahanda vykarystoŭvaje zamach na Fica pa poŭnaj prahramie
Vyzdaraŭleńnie premjera Słavakii zojmie niekalki tydniaŭ
Pryjazny da Rasii premjer Słavakii niečakana staŭ na bok Ukrainy
Kamientary