Hajdukievič učora źjeździŭ na adpačynak, a siońnia daviałosia apraŭdvacca pierad kalehami
Miesca pad Minskam akazałasia palityčna niadobranadziejnym. Ciapier deputat hatovy razam z Azaronkam uziacca za naviadzieńnie paradku.
Deputat Pałaty pradstaŭnikoŭ ad ŁDPB Aleh Hajdukievič 15 červienia apublikavaŭ na ŭłasnym kanale fota samoha siabie na fonie parku historyja «Suła», jaki raźmieščany niedaloka ad Dziaržynska.
«Navat pad Minskam cikava! Park-muziej Suła — rekamienduju, chto nie byŭ! I dobraj suboty!» — padzialiŭsia svajoj znachodkaj palityk.
Praź niekalki hadzin na hety dopis zreahavaŭ inšy deputat — Vadzim Hihin, prychilnik ideałohii zachodnierusizmu. Jon nie pahadziŭsia z rekamiendacyjaj Hajdukieviča, adznačyŭšy jak šmat «pytańniaŭ było z hetaj Sułaj, kolki prablem».
«Hod tamu hetaje «Vialikaje kniastva» inśpiektavali Aleh Ramanaŭ i Ryhor Azaronak. Sprava była hučnaja. Potym z Sułaj raźbirałasia Dzijana Šybkoŭskaja, aŭtarytetny žurnalist-rasśledavalnik «Minskaj praŭdy». A hetaje vydańnie, jak viadoma, słoŭ na viecier nie kidaje.
Sutnaść pretenzij: sucelnaja šlachta i polskija karali. U ich navat na 3 lipienia płanavali hojcać šlachciuki z karavełkami. Što za hod usio źmianiłasia? Vypravilisia? Paćviardžeńniaŭ niama.
Nie pavieru, pakul svoj znak jakaści nie pastavić Ryhor Jurjevič, a Dzijana Jurjeŭna nie zapeŭnić materyjałam u «MP».
Na majoj rodnaj Minščynie i biez Suły poŭna vydatnych miescaŭ dla paznavalnych pajezdak i adpačynku», — aburaŭsia Hihin.
Prysaromleny Aleh Hajdukievič siońnia zreahavaŭ na krytyku kalehi, pačaŭšy apraŭdvacca, što prosta pahulaŭ, pakarmiŭ kozačajek i pajeŭ, a z ekskursavodam nie chadziŭ i muziejnyja ekspazicyi nie vyvučaŭ.
Svoj raniejšy dopis jon vypraviŭ: ciapier jon nie rekamienduje Sułu, ale adznačaje, što raniej tam nie byŭ i kuchnia akazałasia smačnaj.
Deputat zapeŭniŭ čytačoŭ, što kali kiraŭnictva Minskaj vobłaści paradak u parku nie naviało, to jon hatovy padklučycca da jaho naviadzieńnia.
«Viedaju adno, kožny park u krainie musić nieści pravilnuju prapahandu! Tamu hatovy da sumiesnaj inśpiekcyi z Ryhoram Azaronkam!»
Pamior dzied Koli Łukašenki — były viazień HUŁAHa, asudžany za dapamohu «banderaŭcam»3
Kamientary