«Ludzi, ja viarnułasia ŭ SSSR. Jašče i 170 rubloŭ za hety kašmar!» Błohierka aburyłasia načnoj čarhoj u padatkovuju

Z 1 lipienia 2024 hoda ŭsie padatkovyja dekłaracyi prymajucca tolki ŭ elektronnym vyhladzie: dla IP abaviazkovym stała padklučycca da sistemy elektronnaha dekłaravańnia i atrymać elektronny kluč. Raniej ipešniki mahli rabić heta pa žadańni (ale šmat kamu prychodziłasia padklučacca da sistemy dobraachvotna-prymusova, bo na hetym nastojvali padatkovyja inśpiektary).

Pra składanuju situacyju ŭ tyktoku raspaviała aburanaja błohierka pad nikam MamaClub.by.

— Načnyja dziažurstvy ŭ padatkovaj. Ludzi, ja viarnułasia, zdajecca, u Saviecki Sajuz. Siońnia ranicaj ja zapisałasia ŭ čarhu — heta ŭ čas elektronnych čerhaŭ. Čamu ja ranicaj nie mahu pryjści, uziać tałončyk i prajści?

Žančyna rastłumačyła, što ludzi, jakija stajać u čarzie pad padatkovaj, pačali vieści svoj śpis — tudy jana zapisałasia. U 18.00 joj pryjšłosia znoŭ pryjechać na miesca i čakać 37 chvilin tolki dziela taho, kab jaje adznačyli ŭ hetym śpisie (bo inakš jana b zhubiła miesca ŭ čarzie).

@mamaclub.by Śpiski očieriedi kak v 90-ch, ludi diežuriat nočju u nałohovych Biełarusi daby sochraniť svoju očieried́. I eto čtoby połučiť usłuhu za kotoruju oni zapłatili bolšije dieńhi Sriedstva Mamskoj Informacii Biełarusi #etobiełaruśdietka #myvbiełarusi #biełarusypojmut #biełarusy #ipbiełaruś #biełaruśsiehodnia #elektronnyjklučrb #elektronnyjklučbiełaruś #biełaruś2024 #nałohibiełaruś2024 #novostibiełarusi ♬ orihinalnyj zvuk - MamaClub.by

— Za ceły dzień padatkovaja pryniała ŭsiaho dvaccać čałaviek, kab dać elektronny kluč. Dvaccać! Ludzi, u vas čerhi, a vy prymajecie dvaccać u dzień?! Dyk voś, pieršyja dvaccać čałaviek u śpisie, jakija pojduć zaŭtra, buduć usiu noč dziažuryć. Tamu što stvarajucca niejkija levyja śpisy.

Błohierka padkreśliła, što rankam jaje numar u čarzie byŭ 120. Kali ŭsio budzie dobra, jana padaść dakumienty na atrymańnie elektronnaha kluča tolki praz tydzień — u nastupnuju piatnicu.

— Heta kali nie ŭźniknuć jašče niejkija dadatkovyja śpisy, kali jašče niešta nie źmienicca za hetyja piać pracoŭnych dzion. Heta značyć, ja kožny dzień budu jeździć u padatkovuju, potym načnoje dziažurstva stajać tut, zamiest taho, kab spać. Vy čaho, ludzi?! Ja zapłaciła jašče 170 rubloŭ za hety kašmar! Ja ŭvohule nie razumieju, što adbyvajecca. Prosta treš.

Za 16 hadzin rolik u tyktoku nabraŭ 110 tysiač prahladaŭ. U kamientaryjach aŭtarcy rajać pašukać varyjanty padać dakumienty nie ŭ Minsku, a niedzie ŭ inšym horadzie, dzie čerhi mienš.

• 3
• 2
• 17
• 0
• 3
• 0
• 7
• 0