Zorku papularnaha ŭ svoj čas sieryjała «Alf» znajšli miortvym va ŭłasnym aŭtamabili
46-hadovaha Biendžy Hrehary, jaki syhraŭ syna Taniera Brajana ŭ papularnym amierykanskim sitkomie «Alf», znajšli miortvym u mašynie. Siastra Hrehary paćvierdziła heta partału navin TMZ.
Cieła Hrehary znajšli na parkoŭcy banka Chase u štacie Aryzona. Incydent adbyŭsia jašče 13 červienia, adnak viadoma pra jaho stała tolki ciapier.
U mašynie taksama zahinuŭ sabaka Biendžy pa mianušcy Chans. Dakładnyja abstaviny śmierci Hrehary jašče rasśledujucca. Siabry akciora miarkujuć, što jon zasnuŭ u mašynie i pamior ad ciepłavoha ŭdaru.
Hrehary było ŭsiaho vosiem hadoŭ, kali jon staŭ papularnym dziakujučy sitkomu «Alf». Sieryjał, jaki naličvaje čatyry siezony, tranślavaŭsia ź vieraśnia 1986 hoda pa sakavik 1990 hoda, u tym liku i na prastorach SSSR.
Paśla jarkaha debiutu ŭ Hrehary było niekalki rolaŭ druhoha płana, adnak pa-sapraŭdnamu vialikaha halivudskaha pośpiechu dabicca jamu nie ŭdałosia, piša Bild.
U 2003 hodzie Biendžy Hrehary nazaŭždy syšoŭ z šou-biznesu i pastupiŭ na słužbu ŭ VMS ZŠA. U 2006 hodzie jon ažaniŭsia ź dziaŭčynaj pa imieni Sara, adnak nieviadoma, ci była para razam na momant śmierci Hrehary.
U ZŠA źniali kłasny sieryjał pra vjetnamskaha špijona. Biełarusam heta historyja moža padacca blizkaj
Biełarus u Ńju-Jorku źniaŭsia ŭ cełym siezonie sieryjała. Kolki ž atrymałasia zarabić?
Zorka «Pirataŭ Karybskaha mora» zahinuŭ ad napadu akuły
Vyjšaŭ amierykanski sieryjał, źniaty pa detektyvie ŭnuka vychadcaŭ ź Biełarusi
Skandał ź sieryjałam «Aleniania»: Fijona Charvi abvinavaciła jaho aŭtaraŭ u chłuśni i choča adsudzić u Netflix $170 miljonaŭ
Kamientary