Pravakacyja i sproba raspalić varožaść — Cichanoŭskaja prakamientavała incydent u kramie Kropka ŭ centry Vilni
Lidar biełaruskich demakratyčnych sił zajaviła, što šakavanaja napadam na kramu.
Śviatłana Cichanoŭskaja nazvała pravakacyjaj režymu i sprobaj raspalić mižnacyjanalnuju varožaść toje, što adbyłosia ŭ biełaruskaj kramie Kropka ŭ Vilni.
Lidar biełaruskich demakratyčnych sił zajaviła, što šakavanaja napadam na kramu.
«Liču, što heta čarhovaja pravakacyja režymu, kab pasvaryć biełarusaŭ i litoŭcaŭ, sfarmavać varožaje staŭleńnie da biełarusaŭ u Litvie, a taksama pasiejać pačućcio strachu siarod biełaruskaj supolnaści. Heta nahadvaje sieryju pravakacyjnych hrafici, jakija źjavilisia ŭ Vilni raniej, kali režym raspalvaŭ temu tak zvanaha »litvinizmu». Važny nie tolki sam fakt napadu, ale i metanakiravanaja sproba raspalić mižnacyjanalnuju varožaść», — paviedamili Reform.naviny ŭ ofisie Cichanoŭskaj.
Ofis Cichanoŭskaj znachodzicca na suviazi ź litoŭskimi ŭładami i nakiravaŭ aficyjny zapyt.
«I ja spadziajusia, što litoŭskija ŭłady daduć hetamu maksimalna strohuju acenku, a vinavatyja buduć pakaranyja. My ŭžo na suviazi z uładami, nakiravali aficyjny zapyt, palicyja šukaje vykanaŭcu. Ja ŭdziačnaja, što Litva nadaje vialikuju ŭvahu biaśpiecy biełarusaŭ, jakija pierajechali ŭ Litvu pa palityčnych pryčynach.
Biełarusam i litoŭcam nieabchodna razam spynić pravakataraŭ», — zajaviła Cichanoŭskaja.
Nahadajem, u noč na 28 lipienia nieviadomyja napali na kramu Kropka, adkrytuju ŭ Vilni eks-palitviaźniem Dźmitryjem Furmanavym i jaho žonkaj Volhaj. U kramie raźbili akno, a na ścianie napisali pa-litoŭsku «Viartajciesia dadomu, biełaruskija śvińni».
Bajpoł nazvaŭ imiony mahčymych zabojcaŭ Andreja Zielcera. I zajaviŭ, što siłavika «Nirvanu» zastreliŭ svoj ža3
Kamientary
Moža heta chtości ź litoŭcaŭ zrabiŭ (jość šmat litoŭcaŭ, jakija ź nianaviściu staviacca da biełarusaŭ, naprykład Žylvinas Śvitojus i ŭsie, chto piša na jaho Fejsbuk-staroncy, achajvajučy biełarusaŭ). A moža heta chtości z rasiejcaŭ zrabiŭ.
Złačyncu ž pakul nie złavili i nie pakazali, chto heta, nie dapytali.
A Śvieta ŭžo viedaje, što heta zrabiŭ "režym".