Aŭtobusy z Varšavy ŭ Minsk spaźniajucca z vyjezdam na 13 hadzin
Što sa stanoviščam na miežach ź Litvoj i Polščaj pa stanie na 08:00 i z vyjezdam z punktaŭ pryznačeńnia?
Na pamiežnym pierachodzie «Brest» na polskaj miažy pa stanie na 08:00 paniadziełka staić 70 aŭtobusaŭ (u čaćvier dachodziła da 108) i 550 lehkavikoŭ.
Čakańnie aŭtobusa moža raściahnucca na 30-40 hadzin.
Na litoŭskaj miažy ŭ «Kamiennym Łohu» čarhi z aŭtobusaŭ pierad zajezdam u zonu čakańnia niama, ale staić 30 lehkavikoŭ.
U «Bieniakoniach» i «Hryharaŭščynie» čerhaŭ ź lehkavikoŭ i aŭtobusaŭ niama.
Razam z tym telehram-kanał Minsktransa paviedamlaje, što aŭtobus Varšava — Minsk, jaki pavinien byŭ vyjechać sa stalicy Polščy ŭčora a 21-j, budzie vykonvać rejs siońnia a 10-j z-za praciahłaha prachodžańnia miežaŭ. I pasažyry, jakija pavinny byli jechać a 23-j i a 7-j, mohuć skarystacca pajezdkaj pry najaŭnaści svabodnych miescaŭ (aŭtobus AS5278-7).
Aŭtobus Varšava — Minsk, jaki pavinien byŭ adpravicca z Varšavy a 23-j učora, vyjedzie siońnia a 12-j. Pasažyry na 07:00 i 12:00 mohuć skarystacca pajezdkaj pry najaŭnaści svabodnych miescaŭ (aŭtobus AS5278-7).
Pamior dzied Koli Łukašenki — były viazień HUŁAHa, asudžany za dapamohu «banderaŭcam»9
Kamientary