U Breście za ŭdzieł u paślavybarčych pratestach asudzili adrazu 11 čałaviek
U sudzie Bresckaha rajona 12 vieraśnia vynieśli masavy prysud pavodle č. 1 art. 342 KK (aktyŭny ŭdzieł u dziejańniach, što hruba parušajuć hramadski paradak).
Za ŭdzieł u akcyi pratestu 10 žniŭnia 2020 hoda asudzili adrazu 11 miascovych žycharoŭ, piša «Viasna».
Heta Illa Sabko, Alaksandr Zajcaŭ, Mikałaj Kapluk, Kirył Jeŭtyšyk, Mikałaj Misiuk, Artur Zaremba, Dźmitryj Łysiuk, Aleh Bandaruk, Michaił Vieramčuk, Dźmitryj Sałaviejka, Dzianis Jakavienka. Sudździa pryznačyŭ im terminy ad dvuch hadoŭ «chatniaj chimii» da paŭtara hoda kałonii.
Pavodle infarmacyi «Bieraściejskaj Viasny», prysudam stała:
- Mikałaj Misiuk — adzin hod kałonii va ŭmovach ahulnaha režymu;
- Michaił Vieramčuk — dva hady «chatniaj chimii» (abmiežavańni svabody biez nakiravańnia ŭ papraŭčuju ŭstanovu adkrytaha typu);
- Dźmitryj Sałaviejka — dva hady i šeść miesiacaŭ «chatniaj chimii» (abmiežavańni svabody biez nakiravańnia ŭ papraŭčuju ŭstanovu adkrytaha typu);
- Illa Sabko, Alaksandr Zajcaŭ, Mikałaj Kapluk, Kirył Jeŭtušyk, Artur Zaremba, Dźmitryj Łysiuk, Aleh Bandaruk, Dzianis Jakavienka — pa adnym hodzie i šaści miesiacaŭ kałonii va ŭmovach ahulnaha režymu kožnamu.
Sutnaść abvinavačvańnia suprać usich palahała ŭ tym, što ludzi 10 žniŭnia 2020 hoda ŭ Breście «vykrykvali łozunhi, demanstravali pałotny bieł-čyrvona-biełaha koleru, vychodzili na prajeznuju častku». Hetym jany nibyta hruba parušali hramadski paradak.
Takim čynam, jak adznačajuć bresckija pravaabaroncy, raniej 70 čałaviek asudzili da kałonii pavodle artykuła 293 KK (udzieł u masavych biesparadkach). Paśla niekatoraha zacišša, u kancy 2023 hoda źjavilisia novyja zatrymańni za tyja pratesty — ułady pačali pradjaŭlać užo artykuł 342 KK. Užo viadoma pra 48 asudžanych pavodle artykuła 342 KK za pratesty ŭ Breście, jakija prachodzili 10 žniŭnia 2020 hoda.
Bajpoł nazvaŭ imiony mahčymych zabojcaŭ Andreja Zielcera. I zajaviŭ, što siłavika «Nirvanu» zastreliŭ svoj ža5
Kamientary