U Ratamcy na prodaž vystavili trochpaviarchovy katedž, jaki čymści nahadvaje staradaŭniuju krepaść (vieža jak by namiakaje). Tak, zrobleny jon sa zvyčajnaj cehły, dy i ŭnutry vy nie znojdziecie rycarskich atrybutaŭ i pampieznaj mebli, ale niešta jość, piša Onliner.by.
Dom pabudavany ŭ 1995 hodzie. Jaho płošča — 165,8 kv.m. azdableńnie vykanana nie da kanca: niejkija pakoi całkam abžytyja i abstaŭlenyja meblaj, niejkija jašče patrabujuć hrašovych ulivańniaŭ. Interjer choć i patychaje savieckim ducham, ale vyhladaje bolš-mienš akuratna. Usie kamunikacyi — na miescy.
Na samoj terytoryi pabudavanyja jašče i łaźnia, i haraž. Majecca dekaratyŭnaja sažałka, terasa i prastornaja aranžareja. Viadoma, jość adčuvańnie, što dohlad učastku trochi zakinuli, ale pry žadańni novy haspadar zmoža ŭsio heta chutka vypravić. Kali nie sam, to z dapamohaj umiełaha sadoŭnika i parački budaŭnikoŭ.
Ź plusoŭ — niedaloka ad katedža znachodzicca sasnovy les. Košt nieruchomaści — $129 000 pa kursie.
Kamientary
Chiba nie tak?