«U Biełarusi źjaviŭsia svoj Rybientrop». Łatuška prakamientavaŭ zajavy Ryžankova
Kiraŭnik Narodnaha antykryzisnaha ŭpraŭleńnia Pavieł Łatuška apublikavaŭ videa z razboram pramovy ministra zamiežnych spraŭ Biełarusi Maksima Ryžankova, jakuju toj zrabiŭ z trybuny AAN u Ńju-Jorku.
Łatuška zajaviŭ, što ŭ biełaruskaj dypłamatyi źjaviŭsia svoj Rybientrop, jaki prapanavaŭ padzialić Ukrainu.
«Ryžankoŭ z trybuny AAN prapanuje padzialić Ukrainu. Jon iznoŭ prapanuje pravieści pierahavory ŭ Minsku dla taho, kab padpisać pahadnieńnie. A da čaho pavinna pryvieści hetaje pahadnieńnie? Mienavita da padziełu Ukrainy. Sučasny Rybientrop u biełaruskim vykanańni», — skazaŭ Łatuška.
Taksama palityk zhadaŭ vystupleńnie inšaha padpisanta Pakta Mołatava-Rybientropa — narodnaha kamisara zamiežnych spraŭ Savieckaha Sajuza Viačasłava Mołatava — jakoje toj zrabiŭ u Viarchoŭnym saviecie SSSR paśla padziełu Polščy ŭ 1939 hodzie. U im Mołataŭ zajaviŭ, što hitleraŭskaja Hiermanija vystupaje za mir, a ahresii i vajny chočuć Anhlija i Francyja. Jak miarkuje Łatuška, u hetych słovach taksama šmat padobnaha da vystupu Ryžankova.
Nahadaviem, što z trybuny Hienasamblei AAN łukašenkaŭski ministr paŭtaryŭ biełaruskija i rasijskija prapahandysckija štampy pra žadańnie Zachadu i zaležnych ad ich ukrainskich uładaŭ vajavać da apošniaha ŭkrainca, zajaviŭ, što ŭ Biełaruś uciakaje bolš biežancaŭ, čym u Jeŭropu, a taksama zaklikaŭ viarnucca da farmatu mirnych pieramovaŭ, jakija prachodzili ŭ Minsku z 2014 hoda.
Iaachim fon Rybientrop — niamiecki dypłamat, ministr zamiežnych spraŭ Hiermanii. U 1939 hodzie padpisaŭ tak zvany Pakt Mołatava — Rybientropa, jaki vyznačyŭ śfiery intaresaŭ Hitlera i Stalina va Uschodniaj Jeŭropie.
Bajpoł nazvaŭ imiony mahčymych zabojcaŭ Andreja Zielcara. I zajaviŭ, što siłavika «Nirvanu» zastreliŭ svoj ža6
Kamientary
A. Ivonka Surviła
V. Dziaduś Ze
S. Były Paŭluk Antykryza
D. Jajemość Hieorhijeŭna Pieršaja
Pišam ŭ adkazach LITARU kaho abirajecie, pieramožca ładzićmie fajt-pramoŭšyny ŭ Biełaruskim Domie Varšavy