ŚMI adznačajuć dziŭnaje padabienstva byłoha i novaha lidaraŭ hrupoŭki: jany padobnyja fihuraj, źniešnaściu i navat lohkaj šapialavaściu.
Livanskaja terarystyčnaja hrupoŭka «Chiezbała» abrała novym hienieralnym sakratarom arhanizacyi Chašema Safi ad-Dzina, pieradajuć arabskija ŚMI. Sama hrupoŭka pra novaha lidara nie paviedamlała, piša Rasijskaja słužba Radyjo Svaboda.
Ad-Dzinu — 60 hadoŭ. Jon adzin z suzasnavalnikaŭ «Chiezbały», zajmaŭ pasadu kiraŭnika vykanaŭčaha kamiteta. Ad-Dzina nazyvajuć kiraŭnikom spraŭ «Chiezbały». Da abrańnia kiraŭnikom hrupoŭki jon zahadvaŭ u joj finansavymi pytańniami. Ad-Dzin z 2017 hoda znachodzicca ŭ śpisie terarystaŭ ZŠA.
Pa matčynaj linii ad-Dzin stryječny brat zahinułaha lidara «Chiezbały» Chasana Nasrały i ziać byłoha kamandujučaha adnaho z padraździaleńniaŭ Korpusa vartavych isłamskaj revalucyi Kasiema Sulejmani, jaki zahinuŭ pry Amierykanskim avijaŭdary ŭ Iraku ŭ pačatku 2020 hoda.
Al Ghad adznačaje dziŭnaje padabienstva byłoha i novaha lidaraŭ hrupoŭki: jany padobnyja fihuraj, źniešnaściu i navat lohkaj šapialavaściu.
Lidar «Chiezbały» Chasan Nasrała zahinuŭ 27 vieraśnia ŭ pryharadzie Biejruta ŭ vyniku ataki izrailskaj avijacyi. Pavodle źviestak Le Parisien, infarmacyju ab znachodžańni Nasrały Izrailu pieradaŭ iranski ahient, ukaraniony ŭ hrupoŭku.
Kamientary