Tresnuŭ budynak himnazii ŭ Viciebsku, vučniaŭ pieraviali ŭ inšyja škoły
U ścienach adnaho z karpusoŭ viciebskaj himnazii №1 imia Žaresa Ałfiorava ŭtvarylisia raskoliny, paviedamiŭ Viciebski harvykankam u svaim telehram-kanale. Dla biaśpieki vučniaŭ i piersanału pryniata rašeńnie ab častkovym pieramiaščeńni navučalnaha pracesu.
Adznačajecca, što pryčynaj źjaŭleńnia raskolin staŭ ruch hruntu. Ciapier budynak abśledujuć śpiecyjalisty.
U metach biaśpieki vučniaŭ i rabotnikaŭ navučalnaj ustanovy pieraviali ŭ inšyja adukacyjnyja ŭstanovy Viciebska. Pa vynikach ekśpiertyzy budzie pryniata rašeńnie ab adnaŭleńni navučalnaha pracesu albo vykanańni nieabchodnych ramontnych rabot.
Pieršaja himnazija ŭ Viciebsku była adkrytaja ŭ žniŭni 1991 hoda na bazie byłoj siaredniaj škoły. U joj vučacca bolš za 1000 vučniaŭ.
Padobny vypadak adbyŭsia ŭ 2018 hodzie ŭ Minsku. Tady častka budynka minskaj himnazii №5, dzie raźmiaščajecca spartyŭnaja zała, pajšła raskolinami. Kamisija pa nadzvyčajnych situacyjach časova zakryła pamiaškańnie zały, a ŭroki pa fizkultury stali pravodzić u inšym miescy.
Jak praviła, pryčynami ruchu hruntu, z-za čaho na ścienach budynkaŭ źjaŭlajucca raskoliny, źjaŭlajucca siezonnyja źmieny tempieratury i vilhotnaści pavietra.
Kamientary