U Biełarusi mohuć uvieści novuju sistemu rehulavańnia cen — «z najmienšym umiašańniem dziaržavy»
Čarhovaj ekanamičnaj idejaj padzialiŭsia kiraŭnik MARH Alaksiej Bahdanaŭ.
Novaja sistema rehulavańnia cen u Biełarusi moža być uviedzienaja ŭ 2025 hodzie. Ministr handlu zajaviŭ, što asablivaściu alternatyŭnaj sistemy stanie minimalnaje ŭmiašańnie dziaržavy, piša BiełTA.
«Urad pracuje nad raspracoŭkaj alternatyŭnaj sistemy rehulavańnia cen u krainie. Asnoŭnaja zadača — stvaryć sistemu z najmienšaj umiašańniem dziaržavy ŭ pracesy cenaŭtvareńnia, ale razam z tym zabiaśpiečyć stabilnaje nasyčeńnie ŭnutranaha rynku, raźvićcio ekanomiki i dastupnyja ceny dla nasielnictva na tavary», — skazaŭ Alaksiej Bahdanaŭ.
Sa słoŭ kiraŭnika MARH, ciapier urad abmiarkoŭvaje niekalki varyjantaŭ. Jon zajaviŭ, što varyjanty buduć abmiarkoŭvacca i ź biźnies-supolnaściu. Jak budzie pracavać rehulavańnie koštaŭ z «minimalnym umiašańniem dziaržavy», ministr nie patłumačyŭ.
Strohaje rehulavańnie cen u Biełarusi ŭviali ŭ 2022 hodzie.
Kamientary