U rasijskim pałonie zahinuŭ mer ukrainskaha horada. Jon faktyčna pamianiaŭ svajo žyćcio na žyćci rabočych
«2 hady i 8 miesiacaŭ jon znachodziŭsia ŭ pałonie ŭ akupantaŭ i byŭ zakatavany», — napisaŭ u telehramie staršynia Zaparožskaj abłasnoj vajennaj administracyi Ivan Fiodaraŭ.
U rasijskim pałonie pamior mer horada Dnieprarudnaje Zaparožskaj vobłaści Jaŭhien Maćviejeŭ, piša «Nastojaŝieje vriemia».
Maćviejeva trojčy abirali kiraŭnikom Dnieprarudnaha. Na hetaj pasadzie jon sustreŭ poŭnamaštabnaje ŭvarvańnie. U kancy lutaha 2022 hoda rasijskija vajskoŭcy zachapili horad, a 13 sakavika Maćviejevu paviedamili pa telefonie pra toje, što rasijskija vajskoŭcy zatrymali aŭtobus z rabotnikami Zaparožskaha žalezarudnaha kambinata.
Kiraŭnik Dnieprarudnaha vyjechaŭ na miesca, i ŭ vyniku rabočych adpuścili, a jaho samoha zachapili ŭ pałon.
Dalejšy los Maćviejeva da apošniaha času byŭ nieviadomy. Jon znachodziŭsia ŭ pałonie dva hady i vosiem miesiacaŭ, jaho cieła viarnuli Ukrainie padčas apošniaha abmienu.
«2 hady i 8 miesiacaŭ jon znachodziŭsia ŭ pałonie ŭ akupantaŭ i byŭ zakatavany», — napisaŭ u telehramie staršynia Zaparožskaj abłasnoj vajennaj administracyi Ivan Fiodaraŭ.
Minčanka pakinuła stanoŭčy vodhuk na sumku — i raptam vykryła zdradu čužoha muža20
Kamientary