Лукашэнка даручыў прыняць меры супраць Літвы ў выпадку адмовы ад транзіту грузаў з Беларусі
Аляксандр Лукашэнка даручыў ураду рэалізаваць адносна Літвы шэраг мер, калі літоўскі бок адмовіцца прапускаць беларускія грузы. Аб гэтым ён заявіў сёння, прымаючы з дакладам прэм'ер-міністра Рамана Галоўчанку, а таксама кіраўнікоў «Беларуськалія» і БКК, перадае БЕЛТА.
«Калі, да прыкладу, Літва не хоча прапускаць нашы грузы ў порт і ў порце перавальваць, добра, гэта іх права. Калі гэта адбудзецца, значыць літаральна на працягу некалькіх дзён павінны быць рэалізаваныя тыя мерапрыемствы, аб якіх мы дамаўляліся адносна самой Літвы. Я проста хачу, каб літоўцы разумелі», — сказаў Лукашэнка.
Ён дадаў, што гатовы дамаўляцца.
«Тым больш, я ж сказаў у пятніцу: мяне мала хвалюе — захаваць твар, не захаваць… Трэба ім захаваць твар — няхай выходзяць і дамаўляюцца. Мы гатовыя да таго, каб дамаўляцца. Але калі яны і далей будуць нас ціснуць, значыць, мы задзейнічаем той план, які ў нас ёсць. Няхай потым не крыўдзяцца. А народы Літвы, Польшчы і іншых дзяржаў павінны разумець, што мы проста адказваем на гэтыя выклікі», — сказаў ён.
Ганна Канапацкая патлумачыла, чаму не выдаляе здымкі з БЧБ-сімволікай з сацсетак. Вы будзеце смяяцца1
Каментары