Каб даведацца пол будучага дзіцяці, мінчукі замовілі асабістую падсветку 27-павярховага бізнэс-цэнтра
Відэа з незвычайным гендар-паці ў Мінску набрала больш за мільён праглядаў і каля 75 тысяч лайкаў. А колькі ж каштавала сям'і выкарыстаць 27-павярховік для таго, каб даведацца вынік УГД?
Ідэя даведвацца пра пол будучага дзіцяці не ў медыцынскім кабінеце становіцца ўсё больш папулярнай у Беларусі. Разразаннем торта з каляровым начыннем ці лопаннем шарыка з канфеці ўжо нікога не здзівіш. Таму некаторыя пары пачынаюць шукаць небанальныя варыянты.
Так сям’я з Мінска вырашыла скарыстацца бізнэс-цэнтрам «Футурыс», які знаходзіцца каля станцыі метро «Барысаўскі тракт». Спачатку на будынку з’явіліся сілуэты будучых бацькоў, потым пачаўся 10-сякундны адлік, затым надпіс «У вас…». Нарэшце 27-павярховік стаў цалкам ружовым і раскрыў інтрыгу: «Дзяўчынка».
Завяршаецца ролік тым, як будучы тата скача ад радасці. Відэа завірусілася. Большасць каментатараў былі ў захапленні ад такой ідэі. Знайшліся нават тыя, хто бачыў гендар-паці, калі ехаў паблізу, і цяпер выпадковыя сведкі з задавальненнем павіншавалі сям’ю.
Канечне, былі пытанні пра кошт паслугі.
Будучая мама ў каментарыях распавяла, што замовіць такую ўрачыстую падсветку ім каштавала 1000 рублёў. Яна таксама ўдакладніла, што працавала з дызайнерам каля тыдня — за яго працу заплацілі яшчэ 100 рублёў.
Як мучылі Ціля Швайгера і цэнтры гарадоў, каб стварыць карцінку для судзімага за махлярства пратэжэ Дзмітрыя Баскава11
Каментары