Амерыканскія спецслужбы папярэдзілі Кіеў пра магчымасць новага ўдару.
Спецслужбы ЗША лічаць, што Расія можа ўдарыць па Украіне новай балістычнай ракетай сярэдняй далёкасці «Арэшнік» у найбліжэйшыя дні.
Пры гэтым амерыканскія чыноўнікі мяркуюць, што гэта будзе хутчэй элемент запалохвання, чым фактар, які зменіць ход вайны, піша AP.
Паводле звестак спецслужбаў ЗША, у Расіі ёсць толькі некалькі такіх ракет, і яны нясуць меншую боегалоўку, чым іншая зброя, якой Крэмль атакуе Украіну.
Расія ўпершыню выкарыстала новую ракету 21 лістапада, ударыўшы па Дняпры. У той жа дзень Пуцін абвясціў, што гэта новая расійская распрацоўка. Паводле ягоных слоў, збіць «Арэшнік» немагчыма. Ракеты збіраюцца размясціць і ў Беларусі ў другой палове 2025 года на просьбу Лукашэнкі.
Пры гэтым шэраг экспертаў лічаць «Арэшнік» псіхалагічнай аперацыяй і сумняваюцца ў тым, што гэта прынцыпова новая ракета, якую нельга збіць.
«Мы для іх — мяса». Палітвязень выйшаў з меланомай, ён ускладае віну на начальніцу санчасці і прымусовае галенне галавы7
Каментары