Адно з самых вірусных фота 2024 года. Калі законы фізікі адпачываюць
Зроблена яно на Алімпіядзе-2024.
Самыя крутыя фатаграфіі Алімпіяды-2024 атрымліваюцца з турніру па сёрфінгу, які праходзіў на Таіці — прырода, хвалі, спартсмены. Ідэальнае месца для правядзення такіх спаборніцтваў, бо ў Парыжы іх было б проста немагчыма арганізаваць, нагадвае Championat.com.
Самым вірусным алімпійскім здымкам стала фатаграфія, на якой бразільскі сёрфер Габрыэль Медына нібы вісіць у паветры. Медыну, які разам з дошкай, здавалася, замёр у паветры, накіраваўшы руку з выцягнутым пальцам у неба, знялі адразу некалькі фатографаў, якія былі на катары.
Усе яны растлумачылі, што з-за высокіх хваляў трэба было толькі адгадаць момант, калі спартсмен вылеціць уверх.
Цікава, што герой фота за гэты свой выступ атрымаў ад суддзяў 9,90 бала з 10 магчымых — гэта найвышэйшая ацэнка ў алімпійскай гісторыі сёрфінгу. У 1/8 фіналу ён разграміў японца Каноа Ігарасі і выйшаў у чвэрцьфінал. Паводле слоў бразільца, такія высокія і магутныя хвалі менавіта на Алімпіядзе — нібы спаўненне мары, бо гэта вялікая рэдкасць.
Медына — трохразовы чэмпіён свету і адзін з самых крутых сёрфераў планеты. У яго шмат мянушак, але адна з іх ідэальна апісвае здымак — Феномен.
І калі б не рашэнне арганізатараў задзейнічаць тэрыторыю, якая адміністрацыйна належыць Францыі, але знаходзіцца за 16 тыс. км ад Парыжа, такога фота дакладна не было б.
Таццяна Зарэцкая больш не эстонская стартаперка. Цяпер яна спрабуе стаць пасярэдніцай інвестараў у Саудаўскай Аравіі13
Каментары