«Ja b chacieŭ zrabić demakratyju, jak u Amierycy, ale dzie ŭziać stolki amierykancaŭ u Kazachstanie?» — samyja viadomyja cytaty Nazarbajeva

Pra žančyn, kachańnie i siamju

«My ŭ Kazachstanie nie škadujem hrošaj, kab žančyny śmialej naradžali, a mužyki ich bolš kachali». Sakavik 2007

«Kali chočaš spadabacca žančynie… Kali jana pryhožaja, kažy joj, što jana razumnaja. Kali jana nie vielmi vyhladaje, kažy — pryhožaja. Kali ni toje, ni durhoje nie padychodzić, skažy: «Jak ty schudnieła!». Sakavik 2017

«Pieršapačatkova nami ruchaje kachańnie i zapał. Heta zrazumieła. Ale, kali heta prachodzić, pavinna być adkaznaść. Adkaznymi pavinny być i muž, i žonka, a dla hetaha jany pavinny być padrychtavanymi. Niekatorym maim siabram nie padabajecca — kažuć, ja ŭhavorvaju dziaŭčat nie kachać mužčyn. A ja im kažu: treba surjozna ŭsprymać tych, chto kaža, što choča złučycca z taboj, kab prajści ŭvieś ciažar hetaha žyćcia. A nie tak, što ŭ ciabie pryhožyja vałasy i hetak dalej. Vielmi viadomaja aktrysa Faina Ranieŭskaja kazała: «Usio ž my razumniejšyja za mužčyn. My nie vybirajem mužčynu, hledziačy na ​​iaho nohi». Sakavik 2017

«Ja suprać razvodaŭ, nieabchodna vychoŭvać moładź u duchu kaštoŭnaści siamji, zhubnaści razvodaŭ, tamu što z-za ich pierš za ŭsio pakutujuć dzieci». Śniežań 2012

«Ad svaich synoŭ zaŭsiody čakajuć łaskavych słoŭ. Napeŭna, maci asabliva maje patrebu ŭ hetym. Ciapier, pa skančeńni času, nie adzin ja, napeŭna, usie my, pastaleŭšy, łajem siabie za toje, što tak mała nadavali ŭvahi našym matulam, što tak mała łaskavych słoŭ im skazali i mała kazali: «Mama, jak ja ciabie lublu!». Ja vielmi škaduju, što tady nie zmoh čaściej być ź joj, a ja viedaŭ, jak jana mianie mocna lubić. Napeŭna, hetaja luboŭ da hetaha času mianie ŭ žyćci padtrymlivaje. Navat kali ja prymaju vielmi važnyja, ciažkija rašeńni, jana mnie śnicca. Byvała tak, što jana mnie prosta pryśniłasia i kazała: «Budź upeŭnieny, usio budzie narmalna». Dyk voś, kali ciapier by jana była žyvaja i ja moh napisać joj list, ja b skazaŭ, što vielmi lublu, mocna lublu, šanuju jaje». Sakavik 2001

Pra darohi i načalstva

«Nie treba lizać darohi, pa jakich načalstva jeździć, treba ŭsie srodki nakiravać na nieŭładkavanyja rajony, tudy, dzie drenna z darohami… U centry ŭsio zroblena, ale znoŭ pačynajecie płast asfaltu kłaści — nie treba hetaha rabić. Treba, kab prostyja ludzi adčuli na miescach… Zabieśpiačeńnie vadoj, hazam, žyllova-kamunalnaja haspadarka, stan škoł, dziciačych sadoŭ — tudy treba nakiroŭvać usie srodki». Luty, 2016

Pra vieru, relihiju i mudraść

«Čytajcie Toru, Karan i Bibliju, u ich samaja mudraść». Śniežań 2016

«Ja kateharyčna suprać parandžy. Asabliva suprać taho, kab studenty, moładź nasiła chidžab i parandžu. U nas nikoli takoha nie było ŭ historyi, naša relihija nie mieła takoj tradycyi. Treba ŭmieć adroźnivać sapraŭdnuju relihiju ad naviazanaj nam. Ale ŭ nas svaja daroha». Sakavik 2011

Pra siabie

«Mianie paprakajuć va ŭsich roznych hrachach, ci to nibyta aŭtakrat, ci ja dyktatar. Ja zaŭsiody kažu: kali kožnyja piać hadoŭ moj narod na alternatyŭnych vybarach hałasuje za mianie i ni razu heta hałasavańnie nie było nižejšym za 80%, pra što možna kazać?» Krasavik 2016

«Kali pačnieš šukać zamienu, u vas vakoł usio pataptana, nikoha niama, «adzin ja». Niama z kaho vybirać: «adzin ja, voś bačycie, tyrču — u vas inšych niama, tamu trymajciesia za mianie — nastupny horšy budzie jašče». Kastryčnika 2015

«Kali ja vam mocna padabajusia, chaj fotazdymak moj staić u vas na stale — u čynoŭnikaŭ chaj visić peŭnaha farmatu, ale nie treba zachaplacca hetym», — adkaz prezidenta na niečakanuju honku pamieraŭ ramačnaj fatahrafii». Śniežań 2012

Ja słuchaju tolki kłasiku i nacyjanalnuju muzyku. Nijakaha popu!

Pra kiraŭnikoŭ

«Kiraŭnik nie pavinien dziesiacihodździami zajmać adnu i tuju ž vysokuju pasadu. Niama toj mabilnaści. Žadańnie «zdavacca» na svaim miescy ŭ kančatkovym vyniku stvaraje areoł biazhrešnaści. Tut patrebien časavy cenz. I, samo saboj zrazumieła, hałosnaść. Hetyja leki ad usich chvarob. Pytańnie ŭ maim ščyrym pierakanańni, što luby aŭtarytaryzm u Kazachstanie — heta šlach u nikudy. Vializnyja jaho partrety (havorka idzie pra Kunajeva) va ŭsich haradach i vioskach, kantorach, škołach, VNU — navat u bombaschoviščy! — u niejkaj miery atajasamlali jaho imia ź losam Kazachstana. Adsiul biespakaranaść, parušeńnie zakonnaści, zatušavańnie prablem, parušeńnie normaŭ sacyjalnaj spraviadlivaści». Časopis «Družba narodaŭ», 1987

Pra budučyniu

«Mnohija pytajucca: što budzie praz 10 hadoŭ? A my nie viedajem, što zaŭtra budzie. Naša płanieta — piasčynka ŭ hałaktycy, u kosmasie. Moža, padvierhniecca asteroidnym napadam. Moža ŭdaryć vułkan…».

Pra Kanstytucyju i demakratyju

«Usie razmovy, kab uleźci ŭ Kanstytucyju, źmianiać jaje — heta ad djabła». Žnivień, 2003

«Ja b chacieŭ zrabić demakratyju, jak u Amierycy, ale dzie ŭziać stolki amierykancaŭ u Kazachstanie?»

U nas kanstytucyja, padobnaja na francuzskuju: za akty prezidenta adkazvajuć tyja, chto rychtavaŭ hety dakumient. Tamu ja hetym i nie zajmaŭsia… (Viedamaści, 2002/04/17).

Niezaležnyja ŚMI tamu tak i nazyvajucca, što ad ich ničoha nie zaležyć (z vystupu na naradzie z rabotnikami kultury, 18 lutaha 2000 hoda).

Śmieju zajavić, što pravy čałavieka ŭ Kazachstanie šyrej zabiaśpiečvajucca, čym u niekatorych jeŭrapiejskich krainach, dzie pačynajuć prymacca zabaronnyja zakony mienavita pa etničnych pryncypach.

Pra kazachskuju movu

«Kazachskaja mova nie zastaniecca adnoj z troch moŭ, a budzie zastavacca pieršaj, asnoŭnaj, hałoŭnaj, samaj važnaj. Kazachskaja mova — dziaržaŭnaja mova Respubliki Kazachstan». Sakavik 2008

Pra śviaty

«Kažuć, u stepie razhortvajuć dastarchan. Lepš hetyja hrošy maładym addajcie na nabyćcio žylla. Heta samy lepšy padarunak». Krasavik 2018

«Ledź stała lepšaj ekanomika, adrazu ž pajšoŭ vał usiakich jubilejaŭ, pampieznych narad — heta treba spyniać, prosta adrezać — i ŭsio. I vielmi lubiać usie jeździć u Kazachstan na biaspłatnaje, tamu što my dobra sustrakajem, prymajem. Heta stała modnym». Studzień 2012

• 0
• 0
• 0
• 0
• 0
• 0
• 0
• 0