Supracoŭnik minskaha AMAP znajšoŭsia ŭ «amierykancy»: jaho zatrymali pa artykule «Akt teraryzmu»
Jak stała viadoma «Našaj Nivie», u SIZA KDB, jaki ŭ narodzie nazyvajuć «amierykankaj», znajšoŭsia były inśpiektar adździeła śpiecyjalnaj padrychtoŭki Minskaha AMAP Eduard Piestrak.
Pa našaj infarmacyi, jaho abvinavačvajuć pa artykule «Akt teraryzmu», pa jakim letam byli masavyja zatrymańni.
Mama i žonka Eduarda admovilisia razmaŭlać z žurnalistami, infarmacyi hetaj nie paćvierdzili, ale i pa sutnaści ničoha nie skazali.
U sacyjalnych sietkach mužčyna nie byŭ jak minimum z 12 žniŭnia.
Eduard Piestrak naradziŭsia ŭ 1983 hodzie. U minskaj milicyi słužyŭ z 2007.
Słužbu pačynaŭ u Departamiencie achovy, z 2009-ha — u AMAP, spačatku kiroŭcam, potym načalnikam adździaleńnia, potym — inśpiektaram pa prafiesijnaj padrychtoŭcy.
Sens raboty Piestraka zaklučaŭsia ŭ bajavoj padrychtoŭcy supracoŭnikaŭ — sam jon daśviedčany ŭdarnik, zajmaŭsia rukapašnym bojem, kikboksinham, MMA.
Pavodle našych krynic, zatrymańnie adbyłosia na momant słužby i ŭ zatrymańni brali ŭdzieł jaho vučni. Mužčynu zvolnili minułaj dataj.
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava2
Kamientary