«Režym supiermaksimalnaha spryjańnia». Što Biełaruś moža atrymać ad Rasii?
Na ŭčorašniaj naradzie premjer-ministr Raman Hałoŭčanka apisvaŭ płan, jak kraina budzie supraćstajać sankcyjam. «Režym supiermaksimalnaha spryjańnia», — tak jon nazvaŭ ekanamičnyja prefierencyi, jakija Biełarusi daść Rasii. Ale što nasamreč Biełaruś moža atrymać?
Što hučała? Uzajemnyja płany pastavak — to-bok toje, što raniej išło na ekspart, źbirajucca pradavać na biełaruskim i rasijskim rynku. Pa słovach premjera, pryniata rašeńnie ab restrukturyzacyi i rasterminoŭcy daŭhoŭ i pieravodzie ich u rasijskija rubli. Adviazacca ad dalara płanujuć i ŭ raźlikach za enierharesursy (ich spadziajucca kuplać pa ŭnutryrasijskich cenach).
Hałoŭčanka zajaviŭ taksama, što va ŭmovach sankcyj jany raźličvać na dapamohu Rasii i prosiać jaje paskoryć miery.
«Toje, pra što kazaŭ Hałoŭčanka, heta pakul žadańni biełaruskaha boku, nie da kanca zrazumieła, na jakija ź ich pojdzie Rasija. Štości z hetaha realna. Ale hetyja pieramovy daloka vychodziać za halinu ekanomiki, jany z haliny palityki, — kamientuje ekanamist Leŭ Lvoŭski. —
Ci vyhadna heta Rasii? Nie, nie vyhadna. Biełaruś ničoha nie moža prapanavać Rasii ŭzamien aproč svajoj terytoryi, dla taho, kab Rasija mahła jaje vykarystoŭvać dla ataki na Ukrainu.
Ci zachoča Rasija płacić za heta — pytańnie palityčnaje».
Ekśpiert zaŭvažaje: choć u Rasii ciapier samoj prablemy, jaje ekanomika našmat bolšaja za biełaruskuju. Tamu Pucin moža dać niekalki miljardaŭ dalaraŭ, kali paličyć patrebnym.
«Ale ŭ ich jość i svaje raschody — budzie kryzisnaje stanovišča ŭ rehijonach, i hetyja miljardy mohuć pajści, kab niejak źmiakčać sankcyjny ŭdar tam», — razvažaje Lvoŭski.
Što z ekspartu Biełaruś moža pierakinuć u Rasiju va ŭmovach, kali sankcyi pastupova adsiakajuć inšyja rynki? Ekanamist ličyć, što pieralik hetych hrup tavaraŭ vielmi limitavany.
«Tut jość niekalki prablem. Pieršaje — toje, što my ekspartavali raniej u Jeŭropu i Ukrainu, našmat mienš patrebna ŭ Rasii. Umoŭna draŭnina, jakuju my pastaŭlali ŭ Jeŭropu, i naftapradukty, jakija išli va Ukrainu, jość u Rasii samoj u vialikaj kolkaści. Toje ž tyčycca kaliju.
Druhaja reč — toje, što my pradavali ŭ Jeŭropu, išło na premijalny rynak, možna skazać. Asabliva što tyčycca tavaraŭ z dreva. Rasijski rynak nie taki: navat kali jany hatovy buduć kuplać meblu, heta budzie nie luksavaja i paŭluksavaja, a bolš šyrokaha spažyvu i ź mienšaj maržynalnaściu».
Adnačasova buduć dziejničać supraćlehłyja faktary — praz sankcyi ŭ Biełarusi źjaŭlajecca šaniec zaniać niejkuju nišu na rasijskim rynku, ale pry hetym uzrovień žyćcia ŭ susiedniaj krainie (a značyć i pakupnickaja zdolnaść) budzie padać.
«Možna naraścić prodaž praduktaŭ charčavańnia. Nakont mašynabudavańnia nie ŭpeŭnieny — treba pahladzieć, ci možam my paŭnacenna źbirać našy mašyny i traktary, jak my heta rabili raniej, biez zachodnich kamplektujučych. Bo z hetym, miarkujučy pa ŭsim, mohuć być prablemy. Mnohija rasijskija zavody ŭžo zajaŭlajuć, što musiać spynicca, bo nie mohuć zakupić zachodniuju mikraelektroniku».
Rasija nie zamienić Jeŭropu i Ukrainu.
«Ukraina — važny dla nas handlovy partnior. My tudy ekspartavali 5% našaha VUP. Jany byli hałoŭnym spažyŭcom našych naftapraduktaŭ», — adznačaje Lvoŭski.
Kali kazać pra biełaruskija haliny, jakija najpierš pacierpiać ad ciapierašnich sankcyj, to heta drevaapracoŭka, mietałurhija, kalijnaja vytvorčaść (bo naładzić transparciroŭku paśla banu ŭ litoŭskim porcie płanavali praz Rasiju), mašynabudavańnie. A taksama finansavaja śfiera.
«Niekatoryja banki naŭprost traplajuć pad sankcyi i adklučajucca ad SWIFT. Na inšyja drenna ŭpłyvaje vałacilnaść (źmienlivaść) abmiennaha kursu, niavyznačanaść (ci nie trapiać jany pad sankcyi nastupnymi), ucioki ŭkładčykaŭ», — zaŭvažaje Lvoŭski.
Čytajcie taksama:
Hałoŭčanka zaklikaŭ Mišuścina na fonie sankcyj paskoryć miery pa padtrymcy Biełarusi
«Nichto nie viedaje, što adbudziecca, pakul mašyna pryjdzie ŭ Biełaruś». Jakaja situacyja ŭ aŭtamabilnym biznesie?
Bajpoł nazvaŭ imiony mahčymych zabojcaŭ Andreja Zielcera. I zajaviŭ, što siłavika «Nirvanu» zastreliŭ svoj ža6
Kamientary