50 dzion vajny va Ukrainie. Zhadvajem, što pisała rasijskaja i biełaruskaja prapahanda 24 lutaha. «Sioleta vyrašyli pravodzić parad u Kijevie»
U pieršyja dni napadu na Ukrainu rasijskija prapahandysty rassypalisia ŭ zachoplenych prahnozach. Chtości čakaŭ imhniennaj kapitulacyi USU, chtości maryŭ pra parad rasijskich vojskaŭ na Chryščaciku, chtości prahnazavaŭ ucioki Zialenskaha… Praz 50 dzion Ukraina, jakuju padtrymlivaje ŭvieś cyvilizavany śviet, praciahvaje zmahańnie. Rasijskija prapahandysty ŭžo i nie zhadvajuć pra svaje prahnozy — ale internet pamiataje ŭsio.
24 lutaha rasijskija prapahandysty ledź nie bilisia ŭ isterycy ad radaści, što pačałasia vajna.
Marharyta Simańjan, kiraŭnica Russia Today, 24 lutaha tak pisała pra ŭvod rasijskich vojskaŭ na terytoryju Ukrainy: «Heta standartnaja repietycyja parada. Prosta ŭ hetym hodzie vyrašyli pravodzić parad u Kijevie».
«Navošta supraciŭlacca, kali pieramahčy — zahadzia viadoma, što nie atrymajecca, i značnaja častka ŭłasnaha nasielnictva piače dla «akupantaŭ» pirahi?» — praciahvała jana.
«Patryjatyčny ŭzdym» adčuvała nie tolki Simańjan:
Adznačylisia i biełaruskija prapahandysty:
Prarasijski ŭkrainski palityk Caroŭ adznačaŭ «reakcyju prostych ludziej»:
Praŭda, užo ŭ najbližejšyja dni stała zrazumieła, što nichto va Ukrainie nie źbirajecca častavać pirahami rasijskich akupantaŭ. A prostyja ludzi «tamilisia i čakali» chiba tolki taho momantu, kali možna budzie ŭstupić u terabaronu.
Adrazu paśla pačatku vajny palacieli i radasnyja fejki: pra ŭcioki Zialenskaha i masavuju zdaču ukrainskich haradoŭ.
Asabliva prapahandysty tapili za toje, što rasijskija sałdaty ŭziali Maryupal.
Darečy, paźniej pieryjadyčna paviedamlałasia, što Maryupal «voś-voś» i voźmuć.
Chto tolki nie braŭ Maryupal u svaich marach, navat čačency:
Ale ž pa stanie na 14 krasavika ŭkrainskija vajskoŭcy ŭsio jašče znachodziacca ŭ Maryupali, rasijskija vojski tak i nie zmahli uziać horad całkam pad svoj kantrol. Połk «Azoŭ» praciahvaje abaraniacca ŭ horadzie, tam ža i jaho kamandzir Prakapienka — u adroźnieńnie ad byłoha ŭkrainskaha deputata Kivy, jaki chavajecca ŭ Ispanii.
Pry hetym Maryupal amal całkam zrujnavany rasijskimi bombami.
Samo saboju, na pačatku rasijskaha ŭvarvańnia va Ukrainu kanapnyja denacyfikatary radasna rapartavali pra Kijeŭ:
Za 50 dzion Rasija nie prosta nie zmahła ŭziać ukrainskuju stalicu — u vyniku jana vymušanaja była ŭvohule advieści svaje vojski ad Kijeva. A źvierstvy rasijskich sałdat u Bučy, Baradziancy i inšych haradkach kala Kijeva šakavali ŭvieś śviet.
Nikudy nie źbieh i Uładzimir Zialenski. Ciapier jon prymaje ŭ Kijevie prezidentaŭ susiednich krain i suśvietnych lidaraŭ — niadaŭna prahulaŭsia pa centry ŭkrainskaj stalicy razam z brytanskim premjeram Džonsanam. Padčas ich špacyru nivodnaha ruskaha tanka na Chryščaciku zaŭvažana tak i nie było.
U pieršyja dni vajny rasijskija prapahandysty paviedamlali pra źničšeńnie amal usich ukrainskich vojskaŭ:
Praŭda, niezrazumieła — chto i čym tady paśpiachova likvidavaŭ rasijskich akupantaŭ ciaham nastupnych 50 dzion? Heta bravyja «analityki» čamuści nie ŭdakładniajuć.
Nu i nie zabudziemsia pra pieramovy:
Słovy na skrynšocie z kanała Simańjan — pra Zialenskaha. Pieramovy ž pačalisia ŭžo praz paru dzion paśla jaje pafasnaha dopisu, kali ŭsim stała zrazumieła, što chutkaj pieramohi Rasii nie budzie.
Paśla Simańjan čamuści ŭstrymlivałasia ad kamientaryjaŭ pra pieramovy.
Za hetyja 50 dzion rasijskija prapahandysty abiacali i zdaču Mikałajeva, i sałdat Rasii ŭ Adesie, i šmat čaho jašče. Tych ža «Bajraktaraŭ», kali vieryć rasijskim ŚMI i błohieram, užo źniščyli bolš, čym Ukraina mieła.
Kolki b ni chavali Ukrainu rasijskija prapahandysty, jana trymajecca: niekatoryja nasielenyja punkty Rasija zmahła akupavać, ale bolšaść haradoŭ nie zdajucca navat paśla katastrafičnych bambardzirovak.
Što za studentka Uljana, ź jakoj na bali valsiravaŭ Łukašenka?9
Kamientary