Nieviadoma, jak rašeńnie ab zakryćci pradstaŭnictva adabjecca na pastaŭkach pradukcyi Johnson & Johnson u Biełaruś.
U minułym miesiacy ŭ Biełarusi začyniłasia pradstaŭnictva adnaho z suśvietnych lidaraŭ pa vypusku sanitarna-hihijeničnaj, lekavaj i miedycynskaj pradukcyi — amierykanskaha chołdynhu Johnson&Johnson, piša PlanB.
Aficyjnych zajaŭ z hetaj nahody zroblena nie było. Tamu pakul nieviadoma, jak rašeńnie ab zakryćci pradstaŭnictva adabjecca na pastaŭkach pradukcyi Johnson&Johnson u Biełaruś.
Ekśpierty ličać, što, chutčej za ŭsio, zakryćcio ofisa Johnson&Johnson u Biełarusi źjaŭlajecca častkaj strukturnaj rearhanizacyi. Chołdynh ź niedružalubnaj krainy, vierahodna, chacia i skaracić asartymient, praciahnie dziejnaść na rynku «pa humanitarnych mierkavańniach», jak heta časta tłumačać u padobnych vypadkach.
Adnak mahčyma i toje, što hetyja arhumienty dla kiraŭnictva i akcyjanieraŭ Johnson&Johnson pierastanuć być pierakanaŭčymi. Heta ŭžo adbyłosia z kiraŭnikami bolš čym dvuch dziasiatkaŭ zamiežnych kampanij, jakija pakinuli Biełaruś u 2024 hodzie. U paraŭnańni z 2023 hodam hety praces prykmietna paskoryŭsia i zakranuŭ šmat viadomych brendaŭ, jakija na pieršym etapie zaniali vyčakalnuju pazicyju.
Što za studentka Uljana, ź jakoj na bali valsiravaŭ Łukašenka?9
Kamientary