Arhiencinski padletak napisaŭ płan zabojstvaŭ pa-biełarusku i prynios u škołu zbroju
«Jany paškadujuć, što nazvali mianie dziŭnym», — tak zakančvajecca list, napisany pa-biełarusku 12-hadovym padletkam, jaki pryjšoŭ u škołu ŭ Vialikim Buenas-Ajresie ź pistaletam i śpisam imionaŭ.
Arhiencinskija ŚMI śćviardžajuć, što heta była dziaŭčynka, ale, miarkujučy pa fota zapisaŭ, ich napisaŭ chłopčyk. Nacyjanalnaść padletka nie ŭdakładniajecca, piša Reform.news.
Jak miarkujecca, jon płanavaŭ zabić svaich adnakłaśnikaŭ: u jaho byŭ śpis z 14 imionaŭ vučniaŭ i adnaho nastaŭnika. Adnak płan sarvaŭsia, bo adzin z adnakłaśnikaŭ zaŭvažyŭ u zaplečniku pistalet i paviedamiŭ pra heta nastaŭniku, jaki adrazu ž pieradaŭ infarmacyju kiraŭnictvu škoły. Padletka vyklikali da dyrektara, što dazvoliła praduchilić trahiedyju.
Ja pavinien pahladzieć, bo ja nie viedaju, kolki ja maju kul…
5 abaviazkova, tady ja vykliču milicyju
Numar: 107 chutkaja dapamoha, 911 milicyja
A nastaŭnicu pryrodaznaŭstva zabju
Jany paškadujuć, što nazvali mianie dziŭnym.
Žurnalisty atrymali dostup da pierapiski ŭ miesiendžary pamiž padletkam i jaho adnakłaśnikam, dzie toj pisaŭ: «Školnaja stralanina. Usio roŭna ŭsie ŭžo viedajuć». Na što siabar spytaŭ: «Jakaja stralanina? Što zdaryłasia?» Padletak adkazaŭ: «Mnie ŭsio nadakučyła, nichto mianie nie lubić».
Adna z maci vučniaŭ škoły raskazała žurnalistam pra toje, što adbyłosia, i zapatrabavała zabiaśpiečyć biaśpieku dla dziaciej. Jana zajaviła: «Pa słovach dyrektara, padletak z zaplečnikam znachodziŭsia pad nazirańniem. Baćkoŭ vyklikali ŭ škołu, i zaplečnik sa zbrojaj byŭ pieradadzieny im. Baćki źjaŭlajucca supracoŭnikami palicyi. Adnak vyklik palicyi zrobleny nie byŭ».
«Nastaŭniki dziejničali zhodna z školnym pratakołam. Nakolki nam viadoma, padletak bolš u škołu nie prychodziŭ», — raskazała žančyna ŭ efiry prahramy Mañanas Argentinas telekanała C5N.
«Admyvaŭ haŭno z unitazaŭ, my tam jak samyja končanyja». Błohier Vadzim Vadimati Jermašuk — pra toje, jak žyŭ u kałonii ŭ «nizkim statusie»34
Kamientary