Pamiatajecie 17-hadovaha Cimura Mickieviča, jaki ŭ žniŭni 2020-ha paśla źbićcia siłavikami byŭ u komie? Ciapier jon vajuje va Ukrainie
Žurnalistka Jaŭhienija Doŭhaja apublikavała ŭ siabie ŭ Instahramie fota maładoha vajskoŭca. Jaho zavuć Cimur Mickievič, i heta adzin z tych ludziej, jakija stali viadomyja padčas našych pratestaŭ 2020 hoda. Ciapier jon vajuje va Ukrainie.
«Heta toj samy chłopiec, jakoha siłaviki 12 žniŭnia źbili da takoj stupieni, što pryjšłosia ŭvodzić jaho ŭ štučnuju komu. Paźniej Cimur staŭ «padazravanym» pa kryminalnaj spravie. Mama Cimura pamierła, a chłopiec źnik ź lakarni. «Znajšoŭsia» jon tolki ŭ studzieni, akazałasia, što chłopiec tady źbieh ź Biełarusi. Ciapier Cimur vajuje va Ukrainie. Voś tak raptam pavaročvajecca žyćcio», — napisała žurnalistka.
Nahadajem, 13 žniŭnia 2020 hoda tady 17-hadovy Cimur trapiŭ u reanimacyju 3-j dziciačaj balnicy Minska. Jaho dastavili ŭ balnicu z RUUS. Chłopiec niejki čas znachodziŭsia u miedykamientoznaj komie.
3 vieraśnia 2020-ha padletka zatrymali i advieźli na dopyt u ramkach art. 293 KK (masavyja biesparadki). Śledčyja zajavili, što padletak aktyŭna ŭdzielničaŭ u masavych biesparadkach i datyčny da ŭzbrojenaha napadu na kiroŭcu hruzavoha aŭtamabila MAZ. Pa słovach śledčych, małady čałaviek jość na zapisach kamier videanazirańnia na vulicy Prytyckaha 10 žniŭnia, dzie prachodzili akcyi pratestu.
3 vieraśnia ŭ Śledčym kamitecie maładomu čałavieku stała drenna — jaho adpravili ŭ balnicu. Niejki čas jon pravioŭ u reanimacyi, a ŭ dzień źniknieńnia, 8 vieraśnia, jaho pieraviali ŭ zvyčajnuju pałatu. Paśla źniknieńnia niekalki miesiacaŭ pra Cimura ničoha nie było viadoma, jon abjaviŭsia za miažoj tolki ŭ studzieni 2021-ha.
24 vieraśnia 2020 hoda pamierła na 45-m hodzie žyćcia maci Cimura, pakinuŭšy sirotami ažno 9 dziaciej, ź ich 7 niepaŭnaletnich.
«Admyvaŭ haŭno z unitazaŭ, my tam jak samyja končanyja». Błohier Vadzim Vadimati Jermašuk — pra toje, jak žyŭ u kałonii ŭ «nizkim statusie»12
Kamientary