Novy skandał z Facebook: kampanija pieradavała vydalenyja paviedamleńni karystalnikaŭ siłavikam
Były śpiecyjalist pa praviercy kantentu Facebook śćviardžaje, što jaho zvolnili z-za abmierkavańnia novaha pratakołu kampanii, jaki parušaje jeŭrapiejskija i amierykanskija zakony, piša Bloomberg.
Brenan Łoŭsan padaŭ u sud Kalifornii pazoŭ suprać Meta Platforms Inc, maciarynskaj kampanii Facebook, śćviardžajučy, što jamu paviedamili pra novy ŭnutrany pratakoł na schodzie supracoŭnikaŭ u kancy 2018 hoda, i jon adrazu ž zasumniavaŭsia ŭ jaho zakonnaści. Nieŭzabavie paśla hetaha, pa jaho słovach, jon byŭ zvolnieny i zastavaŭsia biespracoŭnym na praciahu 18 miesiacaŭ. Mužčyna patrabuje bolš za 3 miljony dołaraŭ u jakaści kampiensacyi plus štrafnyja sankcyi.
Novy pratakoł dazvoliŭ supracoŭnikam sacyjalnaj sietki «abychodzić pratakoły pryvatnaści Facebook», atrymlivajučy dadzienyja z mabilnaj prahramy Messenger, «jakija karystalniki vyrašyli vydalić», havorycca ŭ skarzie Łousana.
Hety pratakoł, miarkujučy pa ŭsim, parušaŭ praviły pryvatnaści ličbavych dadzienych Jeŭrapiejskaha Sajuza (GDPR) i pastanovu Fiederalnaj handlovaj kamisii, jakaja patrabavała ad Facebook dakładna infarmavać karystalnikaŭ pra svaju palityku zachoŭvańnia dadzienych, havorycca ŭ skarzie.
Pa słovach Łousana, jon razumieŭ, što znachodzicca na «zybkaj hlebie», staviačy pad sumnieŭ zakonnaść takoj praktyki, i bajaŭsia, što jaho zvolniać, kali jon budzie nastojvać na hetym. U vyniku jaho zvolnili ŭ lipieni 2019 hoda za nibyta nienaležnaje vykarystańnie administracyjnaha instrumienta Facebook. Jon śćviardžaje, što heta była tolki farmalnaja padstava i akt pomsty za jaho skarhu.
Adna z kamandaŭ Facebook vykarystała pratakoł, kab dapamahčy pravaachoŭnym orhanam u rasśledavańniach u dačynieńni da karystalnikaŭ, skazaŭ Łoŭsan.
«Pravaachoŭnyja orhany zadavali pytańni pra vykarystańnie płatformy padazravanym, naprykład, z kim jon pierapisvaŭsia, kali byli adpraŭlenyja paviedamleńni i navat jaki źmiest hetych paviedamleńniaŭ, — śćviardžaje Łoŭsan. — Dziela taho, kab Facebook mieŭ dobruju reputacyju, kamanda vykarystała ŭnutrany pratakoł dla pradastaŭleńnia adkazaŭ pravaachoŭnym orhanam, a paśla vyznačała, kolki infarmacyi varta pieradać».
Čytajcie jašče:
Inžynier Google śćviardžaje, što ŭ štučnaha intelektu źjaviłasia duša i śviadomaść. Za heta jaho adchilili ad pracy
Hetaja iluzija zmušaje vas dumać, što vy ŭvachodzicie ŭ tunel — spraŭdzicie sami!
U Biełaruskaj pravasłaŭnaj carkvie abnavili ceńnik? Voś jakija buduć rekamiendavanyja taryfy7
Kamientary