U Sieule śviatkavańnie Chełoŭina skončyłasia ciskaninaj. 151 achviara FOTA, VIDEA 18+
Vialiki natoŭp zacisnuła na vuzkaj vulicy padčas śviatkavańnia Chełoŭina ŭ stalicy Paŭdniovaj Karei.
Ciskanina adbyłasia ŭ Sieule ŭviečary 29 kastryčnika na śviatkavańni Chełoŭina. U rajonie Itchevon mieściacca šmatlikija kaviarni, restarany, zabaŭlalnyja ŭstanovy. Prykładna ŭ 22:20 pa miascovym časie kala adnoj ź ich sabraŭsia vialiki natoŭp achvotnych pabačyć miascovuju znakamitaść, jakaja, jak miarkujecca, tam adpačyvała, piša karejski resurs YTN. Ustanova, udakładniaje KBS, znachodzicca na stromkim schile. Kali adzin čałaviek upaŭ, inšyja ludzi ŭ natoŭpie pa inercyi pačali hublać raŭnavahu i padać adzin na adnaho.
Miechanizm utvareńnia ciskaniny byŭ takim ža, jak u Minsku na Niamizie ŭ 1999 hodzie.
Mierapryjemstva było pieršym masavym śviatkavańniem paśla admieny kavidnych abmiežavańniaŭ.
Pavodle apošnich źviestak, 151 čałaviek zahinuŭ.
Prezident Paŭdniovaj Karei Jun Sok Jol vystupiŭ z zajavaj, u jakoj zaklikaŭ čynoŭnikaŭ zabiaśpiečyć apieratyŭnuju dapamohu paciarpiełym i pravieryć biaśpieku śviatkavańniaŭ.
truly the scariest halloween of my life—30 down, 400 rescue workers deployed. please avoid itaewon and stay safe. #이태원사고 pic.twitter.com/PC1GBJt7qk
Two are confirmed dead and over 50 injured in the #stampede in #Seoul, #SouthKorea Saturday night. pic.twitter.com/q6NxiiARha
Kamientary
u noč, paśla taho, kali trahiedyja ŭžo adbyłasia, ale pra jaje šče nichto masava nie viedaŭ, akrom niepasrednych udzielnikaŭ (internetu tady nie było) mnie śniŭsia son... realistyčny.
ja bačyła ŭ śnie naš dvor taki, jaki jon realna na tyj momant byŭ, i jak na susiedni dom (šmatpaviarchovik) upaŭ samalot, i dom hareŭ...
dniom paśla hetaha snu daviedvajusia pra trahiedyju na Niamizie... čuju ad znajomych, što niechta tam byŭ i vyciahvaŭ ludziej... čuju pra tatu (jon kiroŭca), jaki jechaŭ i masava zakupaŭ viasielnyja sukienki... nu ŭ nas prosta pryniata dziaŭčat, što nie byli zamužam, u viasielnych sukienkach chavać...