Biełarusbank papiaredziŭ, što ad jaho imia dziejničajuć machlary
Pres-słužba Biełarusbanka paviedamiła, što ŭ internecie apošnim časam raspaŭsiudžvajecca rekłama ad imia inviestycyjnaj płatformy «Biełarusbank-Inviest» i papiaredziła, što nijakaha dačynieńnia da hetaj struktury nie maje.
«Kali ŭ sacsietkach abo internecie vam traplajecca voś takaja rekłama, viedajcie:
Biełarusbank nie maje nijakaha dačynieńnia da dadzienaj inviestycyjnaj płatformy, jakuju ašukancy nazyvajuć «Biełarusbank Inviest». Bolš za toje, u struktury chołdynhu banka niama daččynaj inviestycyjnaj kampanii», — papiaredžvaje bank.
Piersanalnyja źviestki, uviedzienyja pry sprobie skarystacca pasłuhami, prapanavanymi hetym sajtam, paśla mohuć być vykarystanyja dla prymianieńnia mietadaŭ sacyjalnaj inžynieryi i zavałodańnia hrašovymi srodkami karystalnikaŭ, u tym liku praz technałohii dystancyjnaha bankaŭskaha absłuhoŭvańnia, zaścierahaje ŭstanova patencyjna davierlivych hramadzian.
Kamientary