Zialenski pryjechaŭ na vostraŭ Źmiainy ŭ 500-y dzień poŭnamaštabnaj vajny
Prezident Ukrainy naviedaŭ miesca, jakoje stała simvałam hieraizmu i zmahańnia ŭkraincaŭ u pieršyja dni vajny.
.
«500 dzion poŭnamaštabnaj vajny. Źmiainy. Svabodny Vostraŭ svabodnaj Ukrainy.
Udziačny ŭsim, chto zmahaŭsia tut suprać akupantaŭ. Ušanavali pamiać hierojaŭ, jakija addali svajo žyćcio ŭ hetaj bitvie — adnoj z samych važnych za čas poŭnamaštabnaj vajny.
Słava kožnamu i kožnaj, chto vajuje dziela biaśpieki ŭ našym Čornym mory!» — napisaŭ Uładzimir Zialenski ŭ svaim telehram-kanale.
«Samaja ciomnaja noč zaŭsiody pierad śvitańniem. Hety śvitanak na Źmiainym byŭ natchnialnym. Vostraŭ Pieramohi, jaki naviedali razam z prezidentam i kamandaj. Pieramohi ŭkrainskaha naroda nad rasijskaj ardoj. 500 dzion… 9 hadoŭ vajny…
My ŭsie vierniem. I budziem sustrakać ukrainskija śvitanki. Najlepšyja śvitanki na hetaj ziamli. Słava našamu narodu», — dadaŭ potym u svaim telehramie kiraŭnik Ofisa prezidenta Andrej Jarmak.
Vostraŭ Źmiainy byŭ zachopleny rasijskimi siłami nieŭzabavie paśla pačatku ŭvarvańnia. Jon staŭ miescam naradžeńnia miema pra «rasijski vajskovy karabiel», kali ŭkrainski vajskoviec u niecenzurnaj formie admoviŭsia zdavacca rasiejcam. Rasijskija siły zaniali vostraŭ. U kancy červienia 2022 hoda rasiejcy pakinuli Źmiainy.
Kamientary