Siońnia stała viadoma, što siłaviki zatrymali 44-hadovuju žančynu, jakaja słuchała ŭkrainskuju pieśniu i padpiavała joj. «Biełsat» vyśvietliŭ, chto zdaŭ žančynu.
Žurnalistam udałosia vyśvietlić, što videa, zapisanaje pad voknami kvatery, vykłaŭ karystalnik pad nikam Syper_zhorik. Jon nazyvaje siabie Piatrom (Piatrom Pietrykam) i žycharom Ivanava. U 2014 hodzie jon skončyŭ škołu.
Amal usie videa Piatra nie nabirajuć i 1000 prahladaŭ, a voś videa, zapisanaje pad voknami žančyny, pryniesła jamu amal 34 tysiačy prahladaŭ i bolš za 300 kamientaroŭ.
U adnym z kamientaroŭ Piotr piša:
«Ź imi nielha cyrymonicca. Jany žyvuć na našaj ziamli i abražajuć našych bratoŭ rasijan. Heta padobna da taho, kali b da vas pryjšli ŭ dom, abrazili rodnych».
19 lipienia jon napisaŭ, što źviarnuŭsia ŭ milicyju: «Kali b usio tak prosta było. Źviarnuŭsia, jany ŭ hetym pramoha parušeńnia zakona nie ŭbačyli». A ŭžo siońnia źjaviłasia videa z žančynaj.
Cikava, što ŭ tyktoku mužčyny šmat videa ź Litvy.
Apublikavali razmovy žonki Bałaby, u jakich jana sprabuje schavać ad muža troch kachankaŭ, u tym liku Rusłana Alachno25
Kamientary