Zialenski zajaviŭ, što hatovy abmianiać Biełharad na členstva Ukrainy ŭ NATA
Na supolnaj pres-kanfierencyi z premjer-ministarkaj Danii Uładzimir Zialenski znoŭ adkazaŭ na pytańnie ab mahčymaści admovicca ad ukrainskich terytoryj u abmien na pucioŭku ŭ NATA.
«My hatovyja abmianiać Biełharad na členstva Ukrainy ŭ NATA», — skazaŭ Zialenski. Raniej jon nieadnarazova padkreślivaŭ, što jaho kraina nie sastupić svaich terytoryj dziela mirnaha pahadnieńnia.
Taksama Zialenski vykazaŭsia ab chodzie kontrnastupleńnia USU.
«My nastupajem, ja liču, što heta pazityŭ. Ja b nie zabyvaŭsia, što my nastupajem i zmahajemsia nie suprać kahości, a suprać Rasijskaj Fiederacyi. Jašče letaś jana chacieła poŭnaściu nas źniščyć i zachapić — nie atrymałasia. A ciapier u nas idzie kontrnastupleńnie. Viedaju, što chočacca zaŭsiody chutčej. Samaloty mohuć paskoryć hety praces, bo ŭ niebie daminuje RF, i samalotami my nie abmiažujemsia», — cytuje jaho słovy «RBK-Ukraina».
Kali Kanapackaja stała całkam padkantrolnaja Łukašenku?16
Kamientary