Cieła Pryhožyna pakul nie identyfikavali siarod pareštkaŭ.
Na miescy katastrofy biznes-džeta Embraer-135 (EBM-135bj) u Ćviarskoj vobłaści znojdzieny telefon zasnavalnika PVK «Vahnier» Jaŭhiena Pryhožyna, paviedamlaje Al Jazeera ŭ sacsietcy X (byłaja Twitter), jak piša RBK.
Telekanał spasyłajecca na krynicu ŭ PVK. Cieła Pryhožyna pakul nie identyfikavali siarod pareštkaŭ, adznačaje kanał.
Pavodle śpisa pasažyraŭ, jaki apublikavała Rasavijacyja, na borcie, akramia Pryhožyna, pavinny byli być kamandzir «Vahniera» Dźmitryj Utkin, bajcy PVK Siarhiej Prapuścin, Jaŭhien Makaran i Alaksandr Tatmin, a taksama Valeryj Čakałaŭ, jakoha źviazvajuć sa strukturami Pryhožyna, i Mikałaj Matusiejeŭ.
Pa danych MNS, usie pasažyry i troje členaŭ ekipaža zahinuli. Interfaks sa spasyłkaj na ekstrannyja słužby paviedamiŭ, što pošukavaja apieracyja zavieršanaja i na miescy znojdzienyja pareštki dziesiaci čałaviek.
Uviečary 23 žniŭnia biznes-džet vylecieŭ z Maskvy ŭ Sankt-Pieciarburh. Avijakatastrofa adbyłasia na paŭnočnym zachadzie Ćviarskoj vobłaści kala nasielenaha punkta Kužankina.
Siarod mahčymych pryčyn, pavodle danych krynicy RBK, śledstva razhladaje pamyłku piłatavańnia, techničnyja niepaładki i źniešniaje ŭździejańnie. SK zavioŭ spravu ab parušeńni praviłaŭ biaśpieki ruchu i ekspłuatacyi pavietranaha transpartu (art. 263 KK).
Čytajcie taksama:
«U piekle jon budzie najlepšym». Bijahrafija Pryhožyna
«Pucin nie daruje». Analityki pra incydent z Pryhožynym i budučyniu vahnieraŭcaŭ u Biełarusi
«Śmierć Pryhožyna robić samoha Łukašenku ŭ niejkaj stupieni «novym Pryhožynym»
U rajonie łahiera PVK «Vahnier» kala Asipovičaŭ pieraboi ź internetam — Biełaruski Hajun
Telehram-kanał Grey Zone, nabližany da «Vahniera», paćvierdziŭ hibiel Pryhožyna
Pobač ź miescam padzieńnia samalota Pryhožyna stajała čatyry dyvizijony S-300 — The Moscow Times
Pryhožyn i Utkin zahinuli, ich samalot raźbiŭsia nad Vałdajem. Što viadoma na hety momant
Brat udavy Zielcara: Kadebisty išli ŭ kvateru pa mianie1
Kamientary