Kruty nazvaŭ ličby, jak abvaliŭsia zachodni rynak u biełaruskim handli paśla sankcyj
Pasoł Biełarusi ŭ Rasii Dźmitryj Kruty na forumie pradprymalnikaŭ u Chabaraŭsku raskazaŭ, jak paśla ŭviadzieńnia sankcyj skaraciłasia dola rynkaŭ Zachodniaj Jeŭropy i Ukrainy ŭ źniešnim handli Biełarusi, piša BIEŁTA.
«Užo faktyčna dva hady Biełaruś i Rasija žyvuć pad biesprecedentnym sankcyjnym ciskam. Dla Biełarusi heta ŭvohule vialiki vyklik, bo 45 pracentaŭ našaj ekanomiki apynulisia pad pramymi sankcyjami, uličvajučy vialiki ŭzrovień źniešniaha tavaraabarotu — naš ekspart i impart na 30 pracentaŭ pieravyšaje naš VUP. To-bok vializnaja stupień adkrytaści [biełaruskaj ekanomiki].
Da ŭsich hetych sankcyj rynki Zachodniaj Jeŭropy i Ukrainy dla nas pa značnaści zajmali 40 pracentaŭ. Siońnia jany zajmajuć 5 pracentaŭ, heta adbyłosia faktyčna za adzin hod», — skazaŭ Dźmitryj Kruty.
«Pieraaryjentavać taki patok tavaraŭ i hruzaŭ (u hrošach heta $10,5 młrd) było vielmi i vielmi składana. I viadoma — heta ŭ pieršuju čarhu padtrymka ŭrada Rasijskaj Fiederacyi, padtrymka Kitajskaj Narodnaj Respubliki. Kitaj dla nas vyjšaŭ na druhoje miesca ŭ jakaści handlovaha partniora, vielmi šmat sumiesnych prajektaŭ», — adznačyŭ jon.
Kruty nazvaŭ supracoŭnictva z Rasijaj na siońniašni dzień «absalutnym pryjarytetam».
Šviejcaryja ŭviała sankcyi suprać avijacyjnaj i kaśmičnaj haliny Biełarusi
Biełaruś stała adnym z punktaŭ apracoŭki rasijskich ałmazaŭ u abychod sankcyj — The New York Times
Jak vyhladaje ekanamičnaje supracoŭnictva Polščy ź Biełaruśsiu napiaredadni mahčymaha zakryćcia miežaŭ. Zdajecca, Polščy jość što hublać
Dola «Biełaruśkalija» na suśvietnym rynku ŭhnajeńniaŭ skaraciłasia ŭdvaja — Alejnik
U Biełaruskaj pravasłaŭnaj carkvie abnavili ceńnik? Voś jakija buduć rekamiendavanyja taryfy7
Kamientary
Za schiematoz oni prodali vsio, Biełaruś, biełarusov, biełaruskoje.
Im i vłasť to nužna, tolko dla sochranienija i udieržanije pod soboj siemiejnoho, i približiennych k niemu, schiematoza.
A Rośsija, za uničtožienije Biełarusi, biełarusov, biełaruskoho, poka, pozvolajet im schiematoziť, kak tolko budiet ubit, posadien, vyhnan iz Biełarusi poślednij biełarus, to otnimut i stanut sami schiematoziť.