«Usie fondy, jakija my zakryli, sabrać pad adzin dach». Łukašenka apraŭdvaŭsia adnosna novaj rezidencyi
Na naradzie pa pytańniach adukacyi Łukašenka zakranuŭ temu novaj rezidencyi ŭ Minsku, jakaja, pa źviestkach «Biełpoła» i «Našaj Nivy», stvarajecca dla jaho jak dla budučaha staršyni Usiebiełaruskaha narodnaha schodu.
Pa infarmacyi «Našaj Nivy», budynak byłoha adździaleńnia aftalmałohii Respublikanskaha kliničnaha miedycynskaha centra (heta značyć prezidenckaj balnicy), šykoŭnaja rekanstrukcyja jakoha ciapier zaviaršajecca, — heta ŭ zadumie rezidencyja staršyni Usiebiełaruskaha narodnaha schodu. Takuju novuju pasadu Alaksandr Łukašenka prapisaŭ u Kanstytucyi ŭ 2022 hodzie. Uładalnik hetaj pasady maje paŭnamoctvy kantralavać prezidenta krainy, što dało padstavy mierkavać, što jana zadumanaja pad samoha Łukašenku na pieryjad, kali jon pastareje i zachoča pieradać uładu padkantrolnamu sabie pierajemniku.
Vidavočna, što Łukašenku dałažyli pra publikacyi niezaležnych miedyja, i vychad na śviet tajamnic jaho začapiŭ, bo ŭ svaim vystupleńni pierad udzielnikami narady pa adukacyi jon admysłova źviarnuŭsia da hetaj temy, adznačyŭšy, što ŭ krainie, maŭlaŭ, pačynajecca elektaralnaja kampanija, tamu varožyja siły aktyvizavalisia i sprabujuć ukusić u tym liku i jaho, choć jon, maŭlaŭ, u deputaty i nie idzie.
Pavodle viersii Łukašenki, stary budynak, jak jon śćviardžaje, «reabilitacyjnaha» adździaleńnia balnicy jahonaje Upraŭleńnie spravami adramantavała, i jon daručyŭ
«na druhich pavierchach usie fondy, jakija my zakryli, sabačak lačyli, katoŭ, dabračynnyja i hetak dalej sabrać pad adzin dach».
Što pad hetym majecca na ŭvazie, skazać składana, a ŭ padrabiaznaści Łukašenka nie ŭdavaŭsia, tamu apraŭdańnie atrymałasia nie vielmi pierakanaŭčym.
Zamiest padrabiaznaściaŭ jon kinuŭsia ŭ ahulnapalityčnyja razvažańni: rezidencyj, maŭlaŭ, u jaho i biez taho chapaje, i jamu biez roźnicy, dzie pracavać, «Karanika adsiul ci adtul znajdu imhnienna, knopku nacisnuŭšy».
A paviedamlajuć pra heta, maŭlaŭ, kab «mačanuć», zhadaŭšy pra joršyki pa 600 rubloŭ, jakich nibyta niama i być nie moža. Zatoje «idzie nakat, i vybirajuć centralnych ludziej, na kaho nacisnuć i pa kim udaryć».
Łukašenka zaklikaŭ «danosić heta da ludziej i im tłumačyć», bo «na kožnaha, chto tak ci inačaj patryjot, užo rychtujecca infarmacyjnaja ataka». A kab nie apraŭdvacca za joršyki, treba «pracavać nie ahladajučysia i rabić kankretnyja spravy».
«Ad hetaj praktyki adychodzić nie treba». Łukašenka prychilna vykazaŭsia pra pabory z baćkoŭ školnikaŭ
Abaviazkovaje raźmierkavańnie ŭviaduć i dla płatnikaŭ, a biudžetnikam pavialičać jaho praciahłaść — narada ŭ Łukašenki
U centry Minska pabudavanaja rezidencyja staršyni Usiebiełaruskaha narodnaha schodu? Tam jon zmoža nie tolki pracavać i žyć, ale i lačycca
Kamientary
A patrioty etot skulož vsie ravno nie zamietiat.
po suti - 18 riezidiencij za počti 30 let - eto voobŝie ni o čiem. nie opravdyvajsia pieried rabami i honi ich v šieju - nado stroiť bolšie, roskošniej i žirnieje - čtob čieriez 30 let, k 60 letiju tvojeho pieriesidientstva, było minimum 150 - po vsiemu pierimietru koncłahieria.