U Turcyi paśla pasadki zahareŭsia rasijski pasažyrski Sukhoi Superjet 100. Katory raz takoje z hetym samalotam
Rasijski samalot avijakampanii «Azimut» prylacieŭ z Sočy ŭ Antalju. Na borcie byŭ 91 čałaviek — 87 pasažyraŭ i 4 členy ekipažu.
U samalota Sukhoi Superjet 100, vierahodna, zahareŭsia ruchavik, piša tureckaje vydańnie HavaSosyalMedya. Ahoń chutka patušyli.
Papiarednie, nichto nie paciarpieŭ. Ludzi spuścilisia pa nadzimanym trapie. Niekatoryja vychodzili z čamadanami i inšymi rečami.
Pasadka była składanaj z-za mietearałahičnych umoŭ — u Antalji ciapier mocny śniehapad.
Jak piša kanał Mash, piłot moh udarycca levym kryłom ab uźlotnuju pałasu pry pasadcy. Papiarednie, heta mahło stać pryčynaj pažaru.
Pasažyry kažuć, što adčuli žorstki ŭdar pry pryziamleńni. Paśla hetaha pačaŭsia raźliŭ paliva. Ekipaž apieratyŭna razharnuŭ vyratavalnyja trapy i evakuiravaŭ usich ludziej.
SSJ 100 vyłučajucca svajoj prablemnaściu, avaryi zdarajucca ź imi časta.
U mai 2019 hoda «Supierdžet» u maskoŭskim Šaramiećcievie taksama zahareŭsia paśla paškodžańnia paliŭnych bakaŭ u vyniku niekalkich mocnych udaraŭ ab ziamlu. Tady zahinuŭ 41 pasažyr.
Kamientary