Vypusknik-miedyk za admovu ad raźmierkavańnia zapłacić minimum 60 tysiač rubloŭ
Vypusknikam, jakija admaŭlajucca ad raźmierkavańnia, daviadziecca viarnuć u biudžet značnyja sumy. I heta taksama tyčycca płatnikaŭ.
«Dziaržava, respublikanski biudžet za kožnaha studenta płaciać bolš, čym płacić płatnik. Studenty apłačvajuć tolki 75% koštu navučańnia, astatniaje — dziaržava», — skazaŭ načalnik Hałoŭnaha ŭpraŭleńnia prafiesijnaj adukacyi Minadukacyi Siarhiej Piščoŭ, piša BiełTA.
Kali vypusknik admoviŭsia ad raźmierkavańnia, pamier vypłat vyznačajecca indyvidualna — u zaležnaści ad taho, u jakim univiersitecie vučyŭsia vypusknik, na jakoj formie, na jakoj śpiecyjalnaści.
Samyja vialikija kampiensacyi za miedycynskuju adukacyju — minimum 60 tysiač. Da 2020 hoda ŭ krainie było kala 130 takich vypadkaŭ, sioleta 13, udakładniła načalnica Hałoŭnaha ŭpraŭleńnia arhanizacyjna-kadravaj raboty i prafiesijnaj adukacyi Ministerstva achovy zdaroŭja Volha Kalupanava.
Pavodle jaje słoŭ, prablema była vostraj padčas pandemii, kali dziakujučy kavidnym vypłatam miedycynskija dynastyi hasili zapazyčanaść dziaciej, bo bajalisia za ich zdaroŭje.
Tady zamiest adpracoŭki treba było zapłacić kala 30 tysiač rubloŭ, ale ŭrad uklučyŭ u hetuju sumu vypłaty za stypiendyju, materyjalna-techničnuju bazu, madernizacyju ŭniviersitetaŭ, tamu suma vyrasła ŭdvaja.
«Ja nie hatovaja pracavać za ideju». Jak minskija studenty reahujuć na navinu, što ŭ Biełarusi ŭviaduć abaviazkovaje raźmierkavańnie dla płatnikaŭ
Jak biełarusy prachodzili raźmierkavańnie i kasili ad adpracovak
Abaviazkovaje raźmierkavańnie ŭviaduć i dla płatnikaŭ, a biudžetnikam pavialičać jaho praciahłaść — narada ŭ Łukašenki
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ5
Kamientary
Dziaciej treba naradžać za miažoj, kab jany nie stali rabami i nie apłočvali čarhovyje pałacy ludažeru