Padpisčyki «Sielskaj praŭdy», dziaržaŭnaj haziety Žabinkaŭskaha rajona, 27 listapada atrymajuć vydańnie pad inšaj nazvaj. Rajonku pierajmienavali, i ciapier jana budzie drukavacca pad novaj šapkaj, piša Biełaruskaja asacyjacyja žurnalistaŭ.
Rajonnaja hazieta ŭ Žabinkaŭskim rajonie źjaviłasia ŭ 1944 hodzie pad nazvaj «Leninski šlach». Paźniej jaje pierajmienavali ŭ «Kamunistyčny šlach», a apošnija 58 hadoŭ hazieta vychodziła jak «Sielskaja praŭda».
Ciapier rajonka budzie nazyvacca «Žabinka aktualna».
Jak zapeŭniła hałoŭny redaktar vydańnia Natalla Kaŭpańko, «nazva haziety źmienienaja, kab padkreślić jaje ŭnikalnaść i pryviazku da rehijona».
U redakcyi kažuć, što jašče letaś raspačali padrychtoŭku da hetaha kroku i cikavilisia mierkavańniem čytačoŭ. Nibyta pieravažnaja bolšaść padpisčykaŭ bačyła nieabchodnaść u źmienie nazvy haziety. «Hetaha patrabujuć i sučasnyja realii — my pavinny iści ŭ nahu z časam, źmianiacca i stanavicca ŭsio bolš sučasnymi, kab pryjemna ździŭlać vas z kožnym numaram», — kaža Natalla Kaŭpańko.
Z 1 studzienia 2023 hoda žabinkaŭskaja hazieta razam ź dziaržaŭnymi rajonkami «Hołas času» (Małaryta) i «Savieckaje Paleśsie» (Hancavičy) straciła jurydyčnuju samastojnaść i ŭvajšła ŭ skład kamunalnaha ŭnitarnaha pradpryjemstva «Redakcyja Bresckaj abłasnoj haziety «Zaria». Z taho času «Sielskaja praŭda» drukujecca raz na tydzień i raspaŭsiudžvajecca ŭ jakaści dadatku da abłasnoha vydańnia.
Małady milicejski načalnik nahadaŭ śviataram Ščučynščyny pra adkaznaść za čytańnie niezaležnych ŚMI
«Nie viedaju, kolki ja jašče vytrymaju pisać pra namałoty i miechanizataraŭ». Jak ciapier vučacca na žurfaku BDU
Redaktar hłybockaj rajonki napisaŭ pra śmiećcie ŭ horadzie, a paśla zrazumieŭ, što padyhryvaje «voraham»
Mininfarm vypadkova apublikavaŭ manitorynh niezaležnych miedyja. Voś što šukali čynoŭniki
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ2
Kamientary