«Maładyja śpiecyjalisty z achvotaj raźmiarkoŭvajucca». Minzdaroŭja vykazałasia pra pieršaje pracoŭnaje miesca dla studentaŭ-miedykaŭ
«Moładź bačyć, što ŭ rehijonach, u małych rajonach taksama kvitnieje achova zdaroŭja, tam jość sučasnyja balnicy, asnaščanyja najnoŭšym abstalavańniem», — pierakonvaje čynoŭnica ad Ministerstva zdaroŭja.
Paśla prafaryjentacyi maładyja śpiecyjalisty z achvotaj raźmiarkoŭvajucca. Pra heta BiełTA paviedamiła načalnica Hałoŭnaha ŭpraŭleńnia arhanizacyjna-kadravaj raboty i prafiesijnaj adukacyi Ministerstva achovy zdaroŭja Volha Kalupanava.
«Prafaryjentacyja studentaŭ-miedykaŭ pačynajecca ŭžo ź pieršaha kursa. (…) Prafaryjentacyjnaja dziejnaść stavić za metu vyjezdy studentaŭ miedycynskich univiersitetaŭ, asabliva vypusknych kursaŭ, na ekskursii ŭ arhanizacyi achovy zdaroŭja.
Letaś jany pabyvali praktyčna ŭsiudy, studenty ŭbačyli na miescach, jak žyvie kalektyŭ ustanovy, ci jość pryvabnyja momanty ŭ kožnaj centralnaj rajonnaj balnicy, i jakija.
Taksama na sustrečy sa studentami va ŭniviersitety pryjazdžali hałoŭnyja daktary centralnych rajonnych balnic z prezientacyjami, moładź bačyła, što ŭ rehijonach, u małych rajonach taksama kvitnieje achova zdaroŭja, tam jość sučasnyja balnicy, asnaščanyja najnoŭšym abstalavańniem.
Paśla hetaha jany nie pałochajucca, kali davodzicca jechać pracavać nie ŭ stalicu, a, naprykład, u Vałožyn, u Vilejku ci ŭ inšyja rehijony. U hetym hodzie ŭ nas z raźmierkavańniem prablem nie było, ludzi viedali, kudy jeduć, byli znajomyja z kalektyvami i z zadavalnieńniem raźmiarkoŭvalisia», — raspaviała Volha Kalupanava.
Jana taksama padkreśliła važnaść supracy z prafsajuzami.
«Ministerstva achovy zdaroŭja aktyŭna supracoŭničaje ź biełaruskim prafsajuzam rabotnikaŭ achovy zdaroŭja. My pačali z taryfnaha pahadnieńnia pamiž viedamstvam i prafsajuzam, unieśli šmat normaŭ dla maładych śpiecyjalistaŭ. Pa-pieršaje, zakanadaŭča pastanovaj Ministerstva achovy zdaroŭja zaćvierdžana, što kožnamu maładomu śpiecyjalistu idzie nadbaŭka 30% da zarobku, doktaru-internu — 20% da zarobku, kali heta vypusknik-miedalist, ci jon z banka danych adoranaj moładzi, abo stypiendyjat, to jamu naležyć 50%.
(…) Akramia taho, u nas jość sistema nastaŭnictva. Sioleta my ŭpieršyniu zamacavali ŭžo zahadam Ministerstva achovy zdaroŭja i ŭ kalektyŭnyja damovy ŭnieśli zaachvočvańnie nastaŭnikaŭ — ad 40% da 60%. Čym lepš nastaŭnik adaptavaŭ maładoha śpiecyjalista, tym bolšy ŭ jaho pracent nadbaŭki da zarobku.
Štohod u nas pravodzicca konkurs «Najlepšy nastaŭnik». Sioleta my ŭviali zaachvočvańnie hramatami i materyjalnymi pryzami ad prafsajuzaŭ. Taksama ŭ nas štohod pravodziacca paśviačeńni ŭ prafiesiju, dzie prafsajuzy prymajuć aktyŭny ŭdzieł z pryzami, kancertami, konkursami, kab małady śpiecyjalist lepš adaptavaŭsia ŭ kalektyvie»,— prainfarmavała načalnik Hałoŭnaha ŭpraŭleńnia.
Volha Kalupanava adznačyła, što va ŭsich takich mierapryjemstvach u asnovu kładziecca maralny klimat u kalektyvie.
«Kolki b my nie zaachvočvali, kolki b nie davali kvater, ale kali ŭ kalektyvie maralny klimat nie vielmi i kiraŭnik nie nadaje hetamu ŭvahi, to my nie ŭtrymajem maładoha śpiecyjalista ni kvateraj, ni zarobkam. Jon budzie staracca syści ŭ inšy kalektyŭ. U hetym hodzie my ŭdzialajem hetamu asablivuju ŭvahu. U hetym nam dapamahajuć roznyja mierapryjemstvy.
Maładyja śpiecyjalisty nastolki aktyŭnyja: jany i pomniki akulturvajuć, i ŭ konkursach udzielničajuć, u hetym hodzie dla ich było praviedziena «Studabačańnie» — heta taki konkurs talentaŭ. Prafsajuzami vielmi aktyŭna pravodziacca roznyja spartyŭnyja mierapryjemstvy, dadała Volha Kalupanava.
Taksama jana raspaviała pra stvoranuju pry Ministerstvie achovy zdaroŭja Respublikanskuju moładzievuju radu.
«Ich linija pracy ŭ tym liku tyčycca maładych śpiecyjalistaŭ, bo nie zaŭsiody małady śpiecyjalist adkryjecca manitorynhavaj hrupie, pradstaŭniku Ministerstva achovy zdaroŭja, śpiecyjalistu vobłaści — dla arhanizacyi jany źjaŭlajucca kantralorami, tamu ciapier my padklučyli da hetaj pracy moładzievuju radu. Užo raspracavany hrafiki vyjezdaŭ, buduć arhanizavany sustrečy z maładymi śpiecyjalistami ŭ niefarmalnaj abstanoŭcy. Buduć hladzieć, ci dobra žyvie małady śpiecyjalist, jakoje jamu žyllo dali i hetak dalej», — reziumavała čynoŭnica ad Minzdaroŭja.
Vypusknik-miedyk za admovu ad raźmierkavańnia zapłacić minimum 60 tysiač rubloŭ
«Ja nie hatovaja pracavać za ideju». Jak minskija studenty reahujuć na navinu, što ŭ Biełarusi ŭviaduć abaviazkovaje raźmierkavańnie dla płatnikaŭ
Abaviazkovaje raźmierkavańnie ŭviaduć i dla płatnikaŭ, a biudžetnikam pavialičać jaho praciahłaść — narada ŭ Łukašenki
«Bieź ich rašeńnia nie voźmuć navat u sanitarki». U balnicach ciapier jość svaje ideołahi
U jakim stanie znachodzicca miedycyna praz amal 30 hod łukašenkaŭskaha kiravańnia? Heta tolki toje, što apubličyli
Bajpoł nazvaŭ imiony mahčymych zabojcaŭ Andreja Zielcara. I zajaviŭ, što siłavika «Nirvanu» zastreliŭ svoj ža6
Kamientary