Pa infarmacyi Yelnia Trip, ahoń byŭ zaŭvažany ŭčora ranicaj u rajonie voziera Čornaje i vyspy Alšeŭski. Siońnia jaho praciahvajuć tušyć.
«Siabry, vy pytajeciesia, ci tušyć chto pažar, adkazvajem: laśnictva na miescy ŭžo druhi dzień pracujuć na miescy zdareńnia. Pažar jašče nie patušany, ale situacyja pad kantrolem», — paviedamlaje resurs.
Ahoń tušać vałanciory i pracaŭniki laśnictva. Učora ŭviečary aktyvisty pisali, što doždž krychu prybiŭ ahoń, ale dapamoha jašče patrebnaja.
Bałotu Jelnia bolš za 9 tysiač hadoŭ. Heta samaje vialikaje vierchavoje bałota ŭ Biełarusi i piataje pa vieličyni ŭ Jeŭropie. Tut unikalnaja ekasistema, u jakoj žyvie bolš za sotniu vidaŭ ptušak, 22 ź jakich zaniesieny ŭ Čyrvonuju knihu Biełarusi. U 2002 hodzie Jelnia vyhareła na 70%, nahadvaje reform.by.
Kamientary