Praŭnuk Musalini zabiŭ pieršy hoł na darosłym uzroŭni: zaŭziatary pačali zihavać i skandavać jaho proźvišča
Ramana Fłaryjani Musalini dapamoh svajoj kamandzie pieramahčy ŭ matčy italjanskaj Sieryi B. Fanaty vitali jaho rymskim salutam.
Praŭnuk italjanskaha dyktatara Bienita Musalini Ramana Fłaryjani hulaje za «Juvie Stabiju» ŭ italjanskaj Sieryi B, heta značyć u druhim dyvizijonie. Napiaredadni 21-hadovy futbalist zabiŭ svoj pieršy hoł na darosłym uzroŭni i prynios pieramohu ŭ hulni z «Čezienaj» (1:0).
Hoł Ramana pryvioŭ zaŭziataraŭ u zachapleńnie: fanaty pačali demanstravać rymskaje pryvitańnie — vielmi padobnaje da taho, što vykarystoŭvali italjanskija fašysty — i skandavać proźvišča Musalini.
Prima o poi doveva accadere pic.twitter.com/3adCu4Vpoo
Ramana Fłaryjani — syn ultrapravaha palityka Alasandry Musalini, unučki dyktatara i plamieńnicy znakamitaj aktrysy Safi Łaren. Adzin čas Alasandra była deputatkaj Jeŭraparłamienta i zapomniłasia tym, što adnojčy nazvała ŭsich rumynaŭ złačyncami.
Dzied futbalista — Ramana Musalini, małodšy z synoŭ lidara italjanskich fašystaŭ. Jon byŭ pijanistam i mastakom.
Fłaryjani — heta proźvišča baćki Ramana. Pry hetym Alasandra ŭ doŭhich razborach z čynoŭnikami nastajała, kab u futbalista było padvojnaje proźvišča. Sam Ramana kazaŭ, što palitykaj nie cikavicca, adnak ličyć svajho pradzieda važnaj fihuraj u historyi Italii.
Simvalična, što pieršym prafiesijnym kłubam Fłaryjani Musalini ŭ 2022 hodzie staŭ rymski «Łacya», fanaty jakoha prytrymlivajucca ultrapravych pohladaŭ. Jość papularnaje mierkavańnie, što za «Łacya» zaŭzieŭ i Bienita Musalini, adnak u historykaŭ inšy punkt hledžańnia: jany ličać, što lubimym kłubam duče była «Bałońnia» — kamanda ź jaho rodnaj pravincyi.
Za «Łacya», zrešty, praŭnuk dyktatara ŭ aficyjnych matčach pakul nie zhulaŭ. U minułym siezonie rymlanie addali Musalini ŭ arendu «Pieskary», a ŭ ciapierašnim čempijanacie pravy abaronca hulaje za «Juvie Stabiju» — taksama ŭ arendzie. Kamanda Ramana idzie na čaćviortym miescy ŭ druhim italjanskim dyvizijonie.
Minskaje «Dynama» prajhrała piać z šaści matčaŭ Lihi kanfierencyj, razhromna sastupiŭšy ŭ apošnim ad hrekaŭ
Eks-hulca čempijanatu Biełarusi mohuć pradać u anhlijskuju premjer-lihu za 30 miljonaŭ jeŭra
Najlepšy futbalist Biełarusi — 2021, jakoha sudzili za pratesty, praciahnuŭ kantrakt z kłubam z Mazyra
Žyvahłod pryznała rassyłku praz čat-bot «Sumlennych ludziej» karystalnikam u Biełarusi: Ale nie ŭ pracoŭny čas, paśla 18 hadzin8
Kamientary