Palitźniavolenaha hrodzienskaha žurnalista Paŭła Mažejku adpravili etapam ź SIZA ŭ papraŭčuju kałoniju ŭzmocnienaha režymu. Pra heta paviedamiła jaho žonka Iryna Čarniaŭka, piša BAŽ.
U jakoj kałonii budzie adbyvać prysud žurnalist — pakul nieviadoma. Jak i termin, kolki budzie doŭžycca etap. Svajaki buduć čakać ad Paŭła list, kali jon užo prybudzie na miesca.
17 kastryčnika Viarchoŭny sud Biełarusi razhledzieŭ apielacyjnyja skarhi Paŭła Mažejki i advakatki Julii Jurhilevič, asudžanych da źniavoleńnia pa abvinavačańni ŭ «spryjańni ekstremisckaj dziejnaści». Abodvuch sioleta 26 lipienia Hrodzienski abłasny sud pryhavaryŭ da 6 hadoŭ kałonii, pryčym Paŭła — va ŭmovach uzmocnienaha režymu. Hety vyrak Viarchoŭny sud pakinuŭ u sile.
Paŭła Mažejku zatrymali 30 žniŭnia 2022 hoda ŭ Hrodnie pa viartańni ŭ Biełaruś z Polščy. Paśla zatrymańnia ŭ jahonaj kvatery i ŭ kvatery jahonych baćkoŭ siłaviki praviali pieratrusy. U čym žurnalista vinavacili, doŭhi čas nie było viadoma, bo advakat znachodziŭsia pad padpiskaj ab nierazhałošvańni. Toje, što jamu inkryminavali «spryjańnie ekstremisckaj dziejnaści» (art. 361-4 Kryminalnaha kodeksa), stała viadoma tolki ŭ sakaviku 2023 hoda.
Pavodle śledstva, advakatka Julija Jurhilevič raskazała ŭ telefonnaj hutarcy Paŭłu pra svajo zvalnieńnie z advakatury i pra prysud mastaku Alesiu Puškinu, a Pavieł nibyta pieradaŭ hetuju infarmacyju telekanału «Biełsat». Sposab, čas i datyčnych da hetaha inšych asob śledstva nie vyśvietliła. Pavieł Mažejka i Julija Jurhilevič svajoj viny nie pryznali.
Spravu žurnalista i advakatki ŭ Hrodzienskim abłasnym sudzie raźbiraŭ sudździa Maksim Fiłataŭ, sumnaviadomy svaimi žorstkimi prysudami pa palityčnych spravach. Staršynia sudovaj kalehii Viarchoŭnaha suda Pavieł Karšunovič padtrymaŭ vyrak.
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?8282
Kamientary