Jak vyhladaje numar biełaruskaj haścinicy za 7 rubloŭ na sutki
Što za servis možna atrymać za takija hrošy?
Historyjaj svajoj pajezdki ŭ Babrujsk z «Anłajnieram» padzialilisia čytačy. Bolš za ŭsie słavutaści ich uraziła cana žylla, u jakim jany spynilisia. Łožka-miesca kaštavała 7 rubloŭ za sutki.
Pieršy niuans — nasamreč haścinica akazałasia zusim nie haścinicaj. A miescam dla načoŭki, jakoje daje centr turyzmu i krajaznaŭstva. Druhi niuans — takoje žyllo jość u kožnym rajonnym centry. Tamu cana nie ŭnikalnaja i varjirujecca ŭ rajonie 6-15 rubloŭ na sutki. Časta takija haścinicy «na minimałkach» nazyvajuć turbazami.
— Heta budynak byłoha dziciačaha sadka. Pakoi 3-6-miesnyja, łožki vysoŭnyja. Unutry ciopła, šmat miesca. Jość duš z aknom na vulicu, jakoje nie začyniajecca. Svaja parkoŭka za płotam. Matracy całkam dobryja, bializna čystaja. Možna źbiracca kampanijaj u vialikaj zale z łaŭkami. Da našych piesień tam pastavilisia łajalna. Na druhim paviersie jość makiet Babrujska dla vyvučeńnia, — dzielacca infarmacyjaj čytačy.
U cełym uražańni zastalisia stanoŭčyja. Praŭda, sami hości adznačajuć, što miesca nie padydzie ludziam z zapytami — tolki sapraŭdnym turystam. Ź minusaŭ — niama kuchni i nielha karystacca čajnikam. Za duš treba dapłacić: tady košt za noč padymajecca da 11 rubloŭ.
Ludzi apynulisia ŭ Babrujsku vialikaj kampanijaj. Chacieli vyvučyć pryrodu ŭ vakolicach horada i padziemny bunkier. Pra miesca dla načlehu daviedalisia ad znajomych. Zabraniravali žyllo pa telefonie: im skinuli fota numaroŭ i papiaredzili, što «šyku» čakać nie varta.
Pa kamientar «Anłajnier» źviarnuŭsia da dyrektara centra turyzmu, krajaznaŭstva i ekskursij dziaciej i moładzi Babrujska. Pavodle jaho słoŭ, miesca aryjentavana na turystyčnyja i školnyja hrupy, udzielnikaŭ spartyŭnych spabornictvaŭ i kamandziravanych. Inšyja hości patrapić tudy nie zmohuć. U inšych haradach u turbazy mohuć zasialacca ŭsie žadajučyja.
Dla paraŭnańnia: hatel u Babrujsku možna źniać ad 66 rubloŭ za trochmiesny numar, a dvuchpakajovuju kvateru z 6 spalnymi miescami — za 50 rubloŭ. Vyjdzie pa 22 i 8,3 rubla z čałavieka adpaviedna.
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?8282
Kamientary