«Niama ničoha bolš istotnaha za žyćcio čałavieka. I apraŭdać zabojstvy niemahčyma». Cichanoŭskaja vystupiła z nahody śmierci Vadzima Chraśko
Śviatłana Cichanoŭskaja zrabiła admysłovuju zajavu paśla źjaŭleńnia infarmacyi, što śledam za Vitoldam Ašurkam, Mikałajem Klimovičam i Alesiem Puškinym režym zakatavaŭ jašče adnaho palitviaźnia — Vadzima Chraśko.
«Dla złačyncaŭ, što zrabili heta, čałaviečaje žyćcio nie maje sapraŭdnaj vartaści. Źniavolenym naŭmysna nie akazvajuć miedyčnuju dapamohu, nie pieradajuć lekaŭ. Ich prosta kidajuć pamirać. A z-za režymu inkamunikada navat nielha daznacca pra ich realny stan — niekatorym užo mnohija miesiacy nie dazvalajuć sustrecca z advakatam, vieści listavańni.
Sistema paśladoŭna i naŭmysna źniščaje biełarusaŭ. My zrobim usio mahčymaje, kab pryciahnuć da adkaznaści tych, chto maje dačynieńnie da hetych złačynstvaŭ. Niama ničoha bolš istotnaha za žyćcio čałavieka. I apraŭdać zabojstvy niemahčyma.
Ja vykazvaju ščyryja spačuvańni rodnym dy blizkim Vadzima Chraśko. I chaču nahadać biełarusam — niama roźnicy, zastajaciesia vy ŭ krainie, ci źjechali: dbajcie pra tych, chto ŭ niavoli. Pišycie listy palitźniavolenym, dapamahajcie ich siemjam, patrabujcie infarmacyju ab stanie tych, chto znachodzicca za kratami.
Bo siońnia zadača kožnaha z nas — rabić usio mahčymaje, kab ludzi bolš nie hinuli ŭ turmach», — zajaviła Śviatłana Cichanoŭskaja.
@nashaniva Jašče adnaho palitviaźnia zamučyli ŭ turmie #biełaruś #palitviaźni #palitviaźnibiełarusi #minsk #vadzimchraśko #našaniva #biełaruśsiejčas #biełaruskiciktok ♬ Very Sad - Enchan Čytajcie taksama:
U kałonii ad pnieŭmanii pamior palitviazień Vadzim Chraśko, asudžany za danaty
Kiraŭnica Jeŭraparłamienta sustrełasia ź Cichanoŭskaj i pradstaŭnikami palitviaźniaŭ
Brat udavy Zielcara: Kadebisty išli ŭ kvateru pa mianie6
Kamientary