Padrychtoŭka siłavikoŭ u VNU vyrasła na 20%. Ministr adukacyi raspavioŭ pra źmieny ŭ sistemie
U intervju «SB. Biełaruś siehodnia» ministr adukacyi Andrej Ivaniec raspavioŭ, jakija źmieny adbyvajucca ŭ padrychtoŭcy kadraŭ. Pavodle jaho, zadača numar adzin — rychtavać kadry pad patreby ajčynnaha realnaha siektara.
«Nie možam dapuścić situacyju 1990‑ch hadoŭ, kali navučali adnych ekanamistaŭ-jurystaŭ», — kaža Ivaniec.
Pavodle ministra, inžynierna-techničnyja śpiecyjalnaści siarod astatnich zajmajuć prykładna 20 pracentaŭ. Heta infarmacyjnyja technałohii, mašynabudavańnie, architektura, budaŭnictva. Kožny piaty abituryjent idzie na hety napramak.
U apošnija dva hady prykładna na 20% pavialičany pryjom u VNU siłavoha błoka. Siłavikoŭ rychtujuć nie tolki ŭ śpiecyjalizavanych ustanovach vyšejšaj škoły: u BDU, BNTU, BDUIR stvorany vajskovyja fakultety, na jakich prachodziać padrychtoŭku budučyja vajskoŭcy.
Raście nabor u miedycynskija VNU na biudžetnyja miescy — prykładna na 10 — 15% štohod.
Za apošnija try hady ŭ 1,5 raza vyras nabor na piedahahičnyja śpiecyjalnaści.
Pa słovach Ivanca, słova «adpracoŭka» zžyła siabie».
«Siońnia my havorym ab tym, što heta pieršaje pracoŭnaje miesca dla maładoha śpiecyjalista, sacyjalnaja harantyja dziaržavy. Kali dajom pieršaje pracoŭnaje miesca ŭličvajem, dzie naradziŭsia, dzie žyvuć baćki, siamja. My adychodzim ad taho, kab razhladać raźmierkavańnie jak mahčymaść adpravić maładoha śpiecyjalista ŭ luby punkt našaj krainy. Niama siońnia takoj nieabchodnaści!» — śćviardžaje Ivaniec.
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ8
Kamientary