Biełaruskaja aŭtamabilnaja asacyjacyja prapanuje admianić rehulavańnie cen na lehkavyja aŭtamabili
Za pieršyja dva miesiacy 2024 hoda ceny na novyja lehkavyja aŭtamabili ŭ Biełarusi źnizilisia da ŭzroŭniu minułaha hoda. Z ulikam uzroŭniu inflacyi ŭ krainie, prymianieńnie 713-j pastanovy stvaraje aficyjnym dyleram šmat prablem.
Biełaruskaja aŭtamabilnaja asacyjacyja prapanavała ŭradu vyklučyć lehkavyja aŭtamabili z-pad dziejańnia normaŭ ab rehulavańni cen.
Pa dadzienych Biełstata, jakija pryvodziać u BAA, indeks spažyvieckich cen na lehkavyja aŭtamabili ŭ śniežni 2023-ha skłaŭ da śniežnia 2022-ha hoda 105,57%. A ŭ lutym 2024-ha — 102,88%. Heta značyć, na rynku aficyjnych dylerskich prodažaŭ nazirajecca deflacyja, prytym što aficyjnaja inflacyja ŭ krainie skłała ŭ 2023 hodzie 5,8%.
Asnoŭnaj pryčynaj takoj situacyi ŭ asacyjacyi ličać daminavańnie na rynku biełaruskaha vytvorcy — SZAT «BiełDžy» (rynkavaja dola pa vynikach minułaha hoda — 72%). Jaho ceny žorstka rehulujucca dziaržavaj, a astatnija hulcy rynku vymušanyja padładžvacca pad jaho cenavuju palityku z-za kankurencyi.
U BAA taksama adznačajuć, što prymianieńnie 713-j pastanovy ŭskładniła pracu dyleraŭ. Z-za jaho jany nie mohuć vykarystoŭvać mnohija instrumienty stymulavańnia prodažaŭ — naprykład, aŭtabonusy. Akramia taho, zarehulavany lizinh, abmiežavanyja mahčymaści pa rekłamie i t. d.
Kamientary