U historyi ź nieruchomaściu siamji Capkałaŭ źjaviŭsia novy siužet
U Minsku sud Partyzanskaha rajona pryznaŭ nikčemnaj ździełku pa adčužeńni žyłoha doma, hetaha damahałasia prakuratura. Pretenzii ŭźnikli da minčuka, jaki ŭ 2020 hodzie pieradaŭ žyllo lizinhavaj kampanii za 280 tysiač rubloŭ, ale praciahnuŭ u im žyć, aformiŭšy damovu arendy. Prakuratura paličyła, što suma pahadnieńnia mocna zanižanaja, a mužčyna pazbaviŭsia ad žylla, kab jaho nie adabrała dziaržava. Pra kaho kankretna idzie havorka, nie paviedamlajecca. Adnak z paviedamleńnia prakuratury možna zrabić vysnovu, što, chutčej za ŭsio, historyja pra dom siamji Capkałaŭ — Valeryja i Vieraniki, zaŭvažyła «Lusterka».
«Hramadzianin, ździejśniŭšy karupcyjnyja złačynstvy i majučy namier syści ad adkaznaści, u 2020 hodzie ździejśniŭ adčužeńnie nazvanaha žyłoha doma na karyść lizinhavaj kampanii na padstavie damovy kupli-prodažu za 280 tys. rubloŭ, u toj čas jak realny košt majomaści składaŭ kala 3 młn rubloŭ. Paśla pa damovie finansavaj arendy, zaklučanaj na 20 hadoŭ, hety abjekt nieruchomaści byŭ dadzieny lizinhavaj kampanijaj adkazčyku i členam jaho siamji ŭ karystańnie», — paviedamlaje prakuratura Minska.
U prakuratury paličyli, što mužčyna hetym samym sprabavaŭ schavać nieruchomaść ad kanfiskacyi ŭ dachod dziaržavy.
Taksama paviedamlajecca, što raniej minčuka asudzili pa inšaj spravie «za atrymańnie chabaraŭ u asabliva bujnym pamiery, a taksama złačynstvy ekstremisckaj skiravanaści».
«Z abvinavačanaha na karyść dziaržavy spahnany dachod, atrymany złačynnym šlacham, u sumie zvyš 2 młn rubloŭ, — śćviardžaje prakuratura Minska. — Adnym z pradmietaŭ chabaru źjaŭlałasia akazańnie vyhod majomasnaha charaktaru ŭ vyhladzie vykanańnia rabot pa budaŭnictvie dla adkazčyka žyłoha doma ŭ Minsku».
I ŭ pieršym, i ŭ druhim vypadkach havorka idzie pra adzin i toj ža dom. Pa ŭsioj bačnaści, prakuratura paviedamlała pra dom siamji Valeryja i Vieraniki Capkałaŭ. Raniej stała viadoma, što ŭ sakaviku 2020 hoda ich nieruchomaść pa damovie kupli-prodažu pierajšła va ŭłasnaść lizinhavaj kampanii «Rajfajzen-lizinh».
7 krasavika 2023 hoda ŭ Minsku Valeryju Capkału abviaścili zavočny prysud — 17 hadoŭ pazbaŭleńnia voli ŭ kałonii ŭzmocnienaha režymu. Adno z abvinavačvańniaŭ było ŭ tym, što Valeryj Capkała atrymlivaŭ chabar jašče i za toje, što zabiaśpiečvaŭ apłatu vykananych budaŭničych rabot: nibyta jamu zrabili prajektna-vyšukalnyja raboty dla budaŭnictva jaho pryvatnaha doma na sumu bolš za 25 tysiač rubloŭ, a taksama apłačvali Valeryju, členam jaho siamji i blizkim svajakam adpačynak u Krymie.
U pačatku červienia 2022 hoda dom Valeryja Capkały siłaviki pakazalna razhramili.
Kvateru Capkałaŭ znoŭ vystavili na tarhi, istotna skinuŭšy canu
Minskuju kvateru Capkałaŭ pradavać nie buduć
Vieranika Capkała — pakupnikam jaje kanfiskavanaj kvatery: «My vierniemsia i zapatrabujem ad vas vypłaty arendy!»
Na aŭkcyjon vystavili minskuju kvateru Valeryja Capkały
«Capkała mieŭ šancy stać značnaj piersonaj u historyi Biełarusi. Ale žyvie ŭ ideałahiemach ruskaha śvietu»
Zakrytaja spravazdača Minzdaroŭja paćviardžaje demahrafičnuju katastrofu10
Kamientary
A tak kaniešnie, treba adžymać majemaść i karmić darmajedaŭ u pahonach))