Na homielskim zavodzie biaspłatna harbacicca na subotniku zaklikali Lenin i Stalin

Homielski zavod lićcia i narmalaŭ (ZŁiN) pachvaliŭsia ŭ svaim telehram-kanale, što ŭ čas respublikanskaha subotnika pracaŭnikoŭ pradpryjemstva da biaspłatnaj pracy i «pravilnaha šlachu» zaklikali ludzi, pieraapranutyja ŭ vobrazy Uładzimira Lenina i Iosifa Stalina. Pra heta raspaviadaje vydańnie «Zierkało».

@nashaniva Lenin i Stalin zaklikali biaspłatna harbacicca na subotniku ŭ Homieli #homiel #biełaruś #subbotnik #majakrainabiełaruś #naviny #biełaruśnovosti #lenin #stalin #našaniva ♬ SU - Sojuz Sovietskoj Socialističieskoj Riespubliki - Himn Sovietskoho Sojuza - Hosudarstviennyj himn SSSR 1977-1991 (Śpietaja Viersija) - Mieždunarodnyj Orkiestr

Na videa bačna, jak mužčyna, pieraapranuty va Uładzimira Lenina, u kampanii dźviuch žančyn raźjazdžaje pa horadzie i terytoryi zavoda na savieckaj pałutarcy. Na dreŭku pobač ź imi raźvivajecca ściah SSSR. Pieryjadyčna da kampanii dałučajecca jašče adzin mužčyna, pieraapranuty ŭ Iosifa Stalina.

«Dobry dzień, tavaryšy! Vinšuju z respublikanskim subotnikam! My budziem iści viernym šlacham, tavaryšy, naviadziem paradak na svaich pracoŭnych miescach, na zamacavanych terytoryjach! Pracy, tavaryšy, ura!» — emacyjna zaklikaŭ rabočych «Lenin».

Pavialičyć

Miarkujučy pa roliku, častka supracoŭnikaŭ zavoda radasna vitała «animataraŭ», mnohija fatahrafavalisia ź psieŭda-Leninym i zdymali jaho na telefon.

Jak pracavali sami psieŭda-pravadyry zavod nie pakazaŭ. Ale «Lenin», jak i jahony žyvy pratatyp sto hadoŭ tamu, pranios ź inšymi pracaŭnikami bierviano.

Pavialičyć

U 2017 hodzie leninski pracoŭny podźvih, jaki za savieckim časam abros aniekdotami, paŭtaryŭ Alaksandr Łukašenka. Biełaruski palityk pranios vialikaje bierviano ŭ čas subotnika na budoŭli Centra alimpijskaj padrychtoŭki pa mastackaj himnastycy. Adkul na budoŭli sučasnaha budynka ź bietonu, mietału i škła ŭziałasia bierviano, patłumačyć prosta — jaho zahadzia padrychtavali mienavita dla hetaj mety.

U sakaviku 2023 hoda na zavodzie ZŁiN prachodziŭ rejd siłavikoŭ. Amapaŭcy pryjechali na terytoryju zavoda na «busikach» i brutalna zatrymali 14 pracaŭnikoŭ.

Adkrytaje akcyjaniernaje tavarystva «Homielski zavod lićcia i narmalej» uvachodzić u skład chołdynhu «Homsielmaš». Pradpryjemstva zajmajecca vytvorčaściu sielhasmašyn, mašynabudaŭničaha krapiažu, liciejni asnastki, niestandartnaha abstalavańnia.

• 2
• 0
• 6
• 20
• 0
• 3
• 3
• 0