Treciaja linija mietro budzie naličvać 14 stancyj, a ahulnaja jaje praciahłaść składzie kala 16 km.
Na stancyjach «Aeradromnaja», «Niemaršanski sad», «Słucki Haściniec» budaŭničyja raboty płanujuć zaviaršyć da lipienia 2024-ha, dalej tam pačniecca naładka aŭtamatyki elektroniki i sistem biaśpieki.
«Siońnia praciahvajecca padrychtoŭka da novaha etapu. My raźličvajem, što ŭ kancy hoda kompleks «Alesia» pačnie prakładvać novyja tuneli», — raspavioŭ dyrektara Minskbuda Alaksandr Cierachaŭ u intervju «Minsk-Navinam».
Havorka idzie pra stancyi «Park Družby narodaŭ», «Kamaroŭskaja», «Piarespa» i «Prafsajuznaja».
Raniej namieśnik hienieralnaha dyrektara pa ekanomicy «Minskmietrabuda» Hanna Alaksiejčyk adznačała, što da asnoŭnaha etapu budaŭnictva druhoha ŭčastka treciaj linii ad stancyi «Jubilejnaja» da «Parku Družby narodaŭ» chacieli prystupić užo ŭ mai.
Stancyi «Aeradromnuju», «Niemaršanski sad» i «Słucki Haściniec» ułady abiacali zdać u 2024 hodzie.
Jany ŭvachodziać u skład treciaj linii staličnaha mietro — Zielenałužskaj. Na schiemie mietrapalitena jana paznačanaja zialonaj linijaj. Ciapier na halincy funkcyjanujuć čatyry stancyi: «Kavalskaja Słabada», «Vakzalnaja», «Płošča Franciška Bahuševiča», «Jubilejnaja płošča».
Płanujecca, što treciaja linija mietro budzie naličvać 14 stancyj, a ahulnaja jaje praciahłaść składzie kala 16 km.
Zaraz rychtujecca terytoryja pad praciah linii ŭ bok Zialonaha Łuha — dla stancyj mietro «Prafsajuznaja», «Piarespa», «Kamaroŭskaja» i «Park Družby narodaŭ», piša Tochka.by.
Składanaść hetaj miascovaści — u vysokim uzroŭni hruntavych vod, tamu mietrabudaŭnikam treba budzie jašče vykanać vodapanižeńnie.
«Padlik hałasoŭ jak sataniscki rytuał». Były člen kamisii raskazaŭ, jak u Biełarusi falsifikujuć vybary11
Kamientary