LADA adnaviła vypusk usiaho madelnaha radu. Cana na papularnuju Lada Largus — kosmas
Raniej madel nie vypuskali praź niedachop kampanientaŭ.
Madel staraja, cana — novaja
Rasijski aŭtavytvorca zajaviŭ pra poŭnaje adnaŭleńnie vypusku Lada Largus na zavodzie ŭ Ižeŭsku. Raniej Largus vyrablali ŭ Taljaci. U vyniku admovy Renault ad pracy ŭ Rasii vypusk Largus byŭ spynieny praź niedachop kampanientaŭ.
Ciapier ceny na novyja ŭniviersały pačynajucca z 18 200 dalaraŭ za pasažyrskuju viersiju ŭ kamplektacyi Classic. Dla paraŭnańnia, naprykancy 2021 hoda ceny na Largus u Biełarusi startavali z 31 tysiačy rubloŭ, što pa tahačasnym kursie składała kala 12 500 dalaraŭ.
U liniejcy źjavicca elektramabil
Taksama, jak i raniej, madel Largus budzie dastupnaja i ŭ hruzavoj viersii. Da kanca hoda ŭ Ižeŭsku płanujecca vypuścić da 50 000 Largus, uklučajučy i elektryčnuju madyfikacyju e-Largus.
Lada Largus u svaju čarhu zastajecca ŭsio toj ža Dacia Logan MCV, jakaja vyjšła ŭ śviet 18 hadoŭ tamu. U 2021-m Largus taksama pieražyŭ hłyboki restajlinh, atrymaŭšy piaredniuju častku, jak u Dacia Logan druhoha pakaleńnia.
A voś z boku i z tyłu sučasnaja Lada Largus amal nie adroźnivajecca ad Dacia Logan MCV 2006 madelnaha hodu.
Kamientary
Tam załatyja ikonki zamiest ejrbehaŭ!