Polšča i Biełaruś viaduć pieramovy ab vyzvaleńni Pačobuta. Jak nie budzie vyniku — zakryjuć miežy — Radio ZET
Radio ZET spasyłajučysia na svaje krynicy ŭ Ministerstvie zamiežnych spraŭ, piša pra «žorstkija pieramovy Polščy ź Biełaruśsiu», na konie — poŭnaje zakryćcio pamiežnych pierachodaŭ.
Polskija ŭłady viaduć pieramovy ź Biełaruśsiu ab vyzvaleńni Andžeja Pačobuta, — nieaficyjna zajaviŭ Radyjo ZET nienazvany čynoŭnik polskaha MZS.
Pavodle jaho, adnym z arhumientaŭ u adnosinach ź Minskam, jaki moža vykarystoŭvać polski bok, zjaŭlajecca pytańnie ab poŭnym zakryćci pahraničnych pierachodaŭ ź Biełaruśsiu.
Sihnały ź Biełarusi ab tym, što jana hatovaja havaryć pra kryzis na miažy i admianiła vizy dla 35 jeŭrapiejskich krain, vysokapastaŭleny čynoŭnik zamiežnych spraŭ nazvaŭ «fikcyjaj».
«My im nie vierym. Kali ničoha nie źmienicca, my całkam zakryjem pamiežnyja pierachody ź Biełaruśsiu. I heta taksama ŭdaryć pa tavarach, impartavanych z Kitaja. Hetaje pytańnie pavinna było abmiarkoŭvacca, u pryvatnaści, padčas červieńskaha vizitu prezidenta Andžeja Dudy ŭ Kitaj», — dadaŭ jon.
Učora namieśnik kiraŭnika MZS Polščy Andžej Šejna nazvaŭ try ŭmovy narmalizacyi adnosin ź Minskam — kaniec hibrydnych napadaŭ, vydača zabojcy polskaha žaŭniera, vyzvaleńnie asudžanych palakaŭ dy inšych palitviaźniaŭ.
Polski turyst pryjechaŭ u Biełaruś i raschvaliŭ jaje na ŭsie łady. Jon akazaŭsia nieanacystam
Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii
Vice-śpikier Sienata Polščy nazvaŭ abmiežavańni na ŭjezd u Jeŭrasajuz dla biełarusaŭ amaralnymi
Namieśnik kiraŭnika MZS Polščy nazvaŭ try ŭmovy narmalizacyi adnosin ź Minskam
Kubrakoŭ davodziŭ, što milicyjant Zhirski nie datyčny da bandy nalotčykaŭ. Ciapier taho sudziać — pahražaje da 20 hadoŭ1
Kamientary