MZS Litvy: Vyklučeńni dla aŭtamabilaŭ ź Biełarusi pryniali dla padtrymki biełaruskaj hramadzianskaj supolnaści
Ministerstva zamiežnych spraŭ Litvy zajaviła, što dazvoły dla niekatorych aŭtamabilaŭ ź biełaruskimi numarami ŭsio ž ujazdžać u Litvu pryniatyja dziela nieabchodnaści padtrymki biełaruskaj hramadzianskaj supolnaści, paviedamlaje Tv3.lt.
«Litva, jak člen Jeŭrapiejskaha sajuza, paśladoŭna i sistematyčna prymianiaje praviły ES. Razam z tym, aceńvajučy dziejańni inšych rehijanalnych partnioraŭ, praktyčnyja aśpiekty zabarony i praciahvajučy dyjałoh z pradstaŭnikami biełaruskaj apazicyi, aceńvajučy nieabchodnaść padtrymki biełaruskaj hramadzianskaj supolnaści, my adpaviedna prymianiajem varyjanty, praduhledžanyja rehłamientam», — havorycca ŭ adkazie MZS, pieradadzienym ahientsvu BNS 16 žniŭnia.
Jak paviedamiła raniej litoŭskaja mytnia, z 17 žniŭnia hramadzianie Biełarusi, jakija majuć litoŭskuju vizu, dazvoł na časovaje abo pastajannaje pražyvańnie ŭ Litvie i jeduć z asabistymi metami, zmohuć ujazdžać u Litvu na aŭtamabili.
Taksama buduć prapuskać aŭtamabili hramadzian krain ES, jakija žyvuć u Biełarusi i jeduć u ES z asabistymi metami.
Zabarona pa-raniejšamu, adnak, zachavajecca dla słužbovych aŭtamabilaŭ abo aŭtamabilaŭ, jakija vykarystoŭvajucca ŭ kamiercyjnych metach ci pryznačanych dla prodažu.
Rašeńnie ab prymianieńni vyklučeńniaŭ pryniała stvoranaja ŭradam Kaardynacyjnaja kamisija pa mižnarodnych sankcyjach.
Zabarona na ŭjezd u Litvu lehkavych aŭtamabilaŭ ź biełaruskimi numarami ŭstupiła ŭ siłu 18 lipienia. Tyja, chto prybyŭ raniej, na praciahu nastupnych paŭhoda — da 18 studzienia 2025-ha — pavinny vyjechać abo pierarehistravacca. Paśla hetaj daty jany nie zmohuć znachodzicca ŭ Litvie, a ich uładalnikaŭ čakaje štraf i kanfiskacyja aŭtamabila.
Adnak zabarona nie raspaŭsiudžvajecca na aŭtamabili z dypłamatyčnymi numarami, kali jany nieabchodnyja dla dziejnaści dypłamatyčnych i konsulskich pradstaŭnictvaŭ abo dla asabistaha karystańnia dypłamataŭ.
U Litvu taksama prapuskajuć aŭtamabili, zarehistravanyja ŭ Biełarusi, kali jany vykarystoŭvalisia dla pieravozki pareštkaŭ pamierłych.
Pradstaŭnica Vilenskaj terytaryjalnaj mytni Indre Strančykajcie paviedamiła BNS, što za miesiac — da 16 žniŭnia — na pamiežnym punkcie ŭ Miednikach (na biełaruskim baku Kamienny Łoh) nie prapuścili ŭ Litvu 49 aŭtamabilaŭ, zarehistravanych u Biełarusi, a na punkcie ŭ Salečnikach (u Biełarusi Bieniakoni) raźviarnuli 17 mašyn.
Litva idzie na sastupki: dazvolić zajazdžać na biełaruskich numarach, kali haspadar za rulom i maje DNŽ abo vizu Litvy
Paśla zabarony na ŭjezd pryvatnaha transpartu čarha ź lehkavikoŭ na miažy ź Litvoj źmienšyłasia ŭ dva razy
Ad zaŭtra Litva całkam zabaraniaje ŭjezd aŭto ź Biełarusi
U Litvie vykryli schiemu abychodu sankcyj z udziełam Biełarusi na miljony jeŭra
Bajpoł nazvaŭ imiony mahčymych zabojcaŭ Andreja Zielcera. I zajaviŭ, što siłavika «Nirvanu» zastreliŭ svoj ža5
Kamientary
Dzie ž tut "biełaruskaja hramadzianskaja supolnaść"? Kłoŭny!
– A ty počiemu nie smotriš?
– Ždu, kohda vletit drakon.
– Ja drakon…
– A kak žie chvost, tri hołovy…?
– Naš hospodin drakon tak davno živiet sriedi ludiej, čto sam stał pochož na čiełovieka. I inohda zachodit k nam, po prostomu, po čiełoviečieski…
– Da, ja lublu prostych ludiej. No prostych.